Publicerad: 13 april 2023

Mandatosko xulajipe

Xulajipe kusa e mandatura (thana)

Kana sa e glasura si ginade si anglunes e mandatura xulade maškar e parti. Pala kodo malavel pe tele save kandidatura kerdžon ordinarie ledamöter.

Ledamöter si anglunimastar dikhle pala personalne alosarimata. Kana aba nah

kandidatura pala personalne alosarimata del pe e kaver thana pala kodol thana khaj si pe partiake karči.

Riksdagen

Feri kodol parti khaj line maj tsera štar prosenti anda glasura pa intrego them birin te aven ande xulajipe anda e mandatura ande riksdagen.

Te si kade ke si parti khaj line maj tsera dešuduj prosenti ande peski alosarimaski distrikta birij vi kasavi te avel andre. Kodol parti si andre ande xulaije ande kodo aktualno alosarimaski distrikta.

Totalno si 349 mandatura te aven xulade, anda kadal si 310 inkerde thaj 39 xulajimaske mandatura. Xulajimaske mandatura si te inkren jekh proportsiako xulajipe so maj dur so birij pe te kerel pe kodo.

Te birij jekh kandidato te lel than anda personalno alosaripe ande riksdagen si kodo kandidato te avel alosardo kade pe maj tsera panš prosenti anda e partiake alosarimaske karči ande alosarimaske thana.

Komuna- thaj landstingsfullmäktige

Ande alosaripe ando landstingsfullmäktige si e mandatura xulade maškar e parti so line trin prosenti anda e alosarimata ande intrego landstinget.

Ando xulajipe anda e mandatura ande kommunfullmäktige musaj jekh partia te lel maj tsera 3 prosenti anda e glasura pe komuni khaj si xulade pala alosarimske thana thaj 2 prosenti pe komuni khaj naj xulade ande alosarimaske thana (valkretsindelade).

Te avel jekh kandidato alosardo anda personalno alosaripe ande komun- vaj landstingsfullmäktige si o kandidato te lel personalno alosaripe ande maj tsera panš prosenti anda e partiake alosarmisake karči ande alosarimasko than, feri si te aven maj tsera 100 po alosaripe khaj landstingsfullmäktige thaj 50 po alosaripe khaj kommunfullmäktige.

Europako parlamento

Feri kodol parti khaj line maj tsera štar prosenti anda glasura ande intrego them šaj te aven ande xulajipe ande mandatura khaj Europako parlamento.

Parlamentos si maksimalno 751 mandatura thaj kodol si ghinade pala sako membroske narodura ande thema.

Sar eksemplo e Švedos si 20 mandatura ande Europako parlamento thaj jekh partia lel 10 prosenti anda e glasura ando alosaripe, trobuj e partia te lel 10 prosenti anda mandatura, ande kado than 2 mandatura.

Te birij jekh kandidato te avel alosardo pala personalno alosaripe ande Europako parlamento si o kandidato te avel alosardo kade kusa panš prosenti anda partiake alosarimaske karči anda intrego Švedo.