Published: 10 March 2023

Velkibosko flaakengo/peleĥengo dömmiba

Bi endo doola lyiji so hin aulo uunime sar tšihka aavela arre aro mandatengo dieliba.

Themmeskorigfalliba dela dömmös paale velkibosko laagako dikkiba dotta, save velkibosko flaagi/peleĥki so hin tšihkas uunime ta save aavena liino auri sar biuunime, ta drabila paale douva sar buut lyiji sakka politikaane ringi hin liine. Itĥlaagime dikkiba aavela tšerto tšenstakiirenna sakka kanditaattenge lyijensa, ta doola so aavela dikno sar tšihkas uunime aavela drabime arre.

Uunime velkibosko flaaki/peleĥki

Velkibosko peleĥkos hin uunime kaana doi hin politikaano ringosko merknos/nau koon hin pĥukadas peen sar ringos aro velkiba. Douva vojula aaĥĥes teele veegime flaagos/peleĥĥos kai hin rannime kanditaattosko nau, politikaano ringosko iego flaagos/peleĥĥos elle tšutšo flaagos/peleĥĥos kai velkiboskiiros hin kokares vojime te rannes politikaano ringosko nau.

Kanditaattengo (komujengo lyijengo) drabiba

Aro tšihkas uunime kanditaattosko lyija mostula aaĥĥes iek truhhul naal kanditaattosko nau aro velkibosko flaaga/peleĥkos elle nau so hin rannime velkiboskiireatta kokares aro iek ajasaavo politikaano ringosko iego flaaga koon naa diino auri lengo kanditaattengo naave. Aro velkibosko flaaga/peleĥĥos hin rannime sar velkiboskiires vojula del lesko/lako lyija kanditaatteske (froolaaga komujeske).

Bi uunime velkibiako flaagi/peleĥki

Velkibosko peleĥkos naa uunime kaana douva:

  • fottila politikaano ringosko nau elle merknos,
  • kaana doi hin butide rannime sar politikaano ringosko merknos (naaluno merkneha kaana doi hin dui elle butide velkibosko flaagi/peleĥki aro iek liinesko tšefni ta doi dissula froolaagime politikaane ringiako merkni), elle
  • aro flaagos/peleĥĥos hin rannime politikaano ringosko merknos koon naa diias lengo dielesko liinibosko pĥukiba aro velkiba, elle
  • aro flaaga hin rannite ajasaave illibiako merkni so naa hunjula doi

Velkibosko flaagi/peleĥki kai naas politikaano ringosko merknos hin khaarime tšutše (plankos) ta doola hin alti biuunime lyiji. Sar buut daala tšutše (planka) lyiji hin aune aavela sikime froolaagimes dola bi uunime lyijengo maĥkar. Daala biuunime velkibosko flaagi/peleĥĥi komuje, na aavena aro mandatengo dieliba.

Kaana tšek kanditaattenna aavela drabate

Kaana themmeskorigeskofalliba dikkela te tšeeni kanditaattenna so hin rannite teele aro velkibosko flaagos aavela biuunime, naaluno merkneha ke:

  • velkiboskiires hin tšerdas truhhul naal dui elle butide kanditaattengo naave
  • aro liinjako tšefni in arre butide sar iek velkibosko flaagos kai hin itĥ politikaano ringosko merknos bi velkime hin butvare kanditaattengo naave, elle froolaage kanditaatte hin aune merknime truhhulessa
  • kaana politikaano ringoske hin aulo rikkime velkibosko flaagos, so hin merknime vauro themmuno velkibosko stedossa/thaanessa/themmeskorigfallibiessa