Published: 1 March 2023

Tjaatsestimmiereakta

Bïevnesh almetjetjaalegisnie jiehtieh jis datne tjaatsestimmiereaktam åtnah jïh mij veeljemegievlide datne govlesovvh.

Bïevnesh 30 biejjieh veeljemebiejjien åvteli veedtjesåvva. Jis datne tjaatsestimmiereaktam åtnah veeljemisnie dellie datne meatan tjaatsestimmielåhkosne.

Tjaatsestimmiereakta dejtie ovmessie veeljemidie

Veeljeme rïjhkebeajjan

  • 18 jaepieh minngemes veeljemebiejjien illedh
  • leah sveerjen staateårroje jïh
  • leah jallh såemies aejkien orreme årroje Sveerjen almetjetjaalegisnie.

Veeljemh tjïelte- jïh regijovnereeremidie

  • 18 jaepieh minngemes veeljemebiejjien illedh
  • leah tjïelten jïh regijovnen almetjetjaalegisnie tjaalasovveme jïh
  • Europan unijovnen staateårroje jallh Islaanten jallh Nöörjen staateårroje jïh Sveerjen almetjetjaalegisnie tjaalasovveme. jallh,
  • staateårroje jeatjah laantine jïh leah Sveerjesne almetjetjaalegisnie tjaalasovveme golme jaepine veeljemebiejjien åvteli.

Veeljeme Europa-parlameentese

  • 18 jaepieh minngemes veeljemebiejjien illedh.
  • sveerjen staateårroje jïh leah jallh lih Sveerjesne tjaalasovveme.
  • Europan unijovnen staateårroje jïh Sveerjen almetjetjaalegisnie tjaalasovveme jïh leah tjaatsestimmielåhkose bæjhkoehtamme.

Tjaatsestimmiekåarhte

Datne gie reaktam åtnah tjaatsestidh åadtjoeh tjaatsestimmiekåarhtem påastine medtie golme våhkoeh veeljemen åvteli.

Tjaatsestimmiekåarhtesne tjåådtje mah veeljemidie datne tjaatsestimmiereaktam åtnah jïh nomme, adresse jïh gåessie dov veeljemesijjie ræhpas.

Jis edtjh åvtelhbodti tjaatsestidh tjoerh dov tjaatsestimmiekåarhtem meatan vaeltedh.

Jis ih dov tjaatsestimmiekåarhtem åådtjeme jallh daam teehpeme, maahtah orre kåarhtem dængkodh tjïelteste jallh Veeljemeåejvieladtjeste.

Jis mïelh bïevnesh tjaatsestimmiekåarhtesne ij leah reaktoe, tjoerh datne tjaaleldh gihtjedh dejtie staeriedidh. Daam leeneståvrosne darjoeh.