Published: 1 March 2023

Dïjreguedtiejinie tjaatsestidh

Dïjreguedtiejinie tjaatsestidh dellie naan jeatja tjaatsestimmiem buakta dov veeljemesæjjan jallh sæjjan gusnie åvtelhbodti tjaatsestidh.

Sjïere materijaalem daarpesje jis edtja dïjreguedtiejinie tjaatsestidh.

Maahta dam Veeljemeåejvieladteste, tjïelteste jallh leeneståvroste dængkodh.

Datne maahtah dïjreguedtiejinie tjaatsestidh dejstie sjïekijste

  • båeries
  • skïemtjes
  • funksjovneheaptojne
  • jis faangkeme jallh kriminaalehokseanstaaltesne
  • laanteprievielijnine årroeminie jïh maahta dïjreguedtiejinie tjaatsestidh laanteprievieguedtije viehkine.

Almetjh gïeh maehtieh guedtijem årrodh

  • dov geelle, gåmma jallh gåetehke
  • dov, geellen, gåmman jallh gåetehken maanah, aahkove/aajjove, eejhtegh jallh åerpenh
  • dah gïeh barkoen tjïrrh jallh seammaligke vuekine datnem hoksedh, jallh dah gïeh pruvhkieh datnem viehkiehtidh persovneles aatigujmie
  • laanteprievieguedtijh
  • barkijh faangkemisnie jallh kriminaalehokseanstaaltesne

Jis datne ih damth naakenem gie maahta guedtijinie dutnjien årrodh, maahta dov tjïelte öörnedh tjaatsestimmiedåastojem gie dov gåajkoe båetedh. Gaskesadth dov tjïeltem.