Sveittiko themmuno velkibosko stelliba

Sveittiko themmesko velkibosko systemos hin tšerto aro saaruno ta ithorttibiako lyijako diinibosko botnos.

Velkiba mote aaĥĥes phirre, garutne/tšoraĥkaane ta džeene. Velkibosko systemos hin tšettime. Douva mienila te politikaane ringengo mandatos hin lengo ringosko lendengo saareno, sar naaluno merkneha aro Parlamenttos joon lena aja buut anglengiire sar politikaano ringos hin liias komujengo lyiji penge.

Aro sveittiko velkibosko systemos hin velkibi ta folkengovelkibi. Velkibosko laaga, velkibosko tšenstavitiko draadiba, folkengovelkibiako lyijesko diiniba ta iekh dui par vaure laagi rigila douva sar velkibi ta folkengovelkibi mote draades dženom.

Saaruno velkiba

Saaruno velkiba aro Parlamenttos, thaanavitika- ta themmeskorigfallibosko naalunengo velkibi aavela stellime sakka startto berĥĥesko duito kurkesko diives aro Hyöstako tšoon.

Europako Parlamentosko normaalo velkibi are saare lendako themme aavena stellime maĥkar Luludžjako- kajo Niijalesko tšoon sakka pangĥto berĥ. Aro Sveittiko them doola aavena stellime alti aro kurko diives.