Published: 10 March 2023

Mandatengo dieliba

Kaana themmeskorigfalliba hin drabatas saare lyiji byryla mandatengo dieliba maĥkar politikaane ringi.

Politikaane ringengo prissipi (stannibi)

Te lel horttiba te len dielos aro mandatengo dieliba aro themmuno velkiba ta aro Europako Parlamentosko velkiba mostula ringos len penge aja buut sar staar prosenttos saare diino

lyijenna aro hilo them. Ke iek politikaano ringos hin liias altiki deĥodui prosenttos saare lyijenna aro velkibosko stedos lela ringos dielaves biömsavitika mandatengo maĥkar aro velkibosko stedos.

Kaana hin themmeskorigfallibiako naalunengo velkiba mostula ringos lel penge altiki triin prosenttos saare tšhikas uunime lyijenna aro hilo themmeskorigfallibiatta te lel peske horttiba te aavel aro mandatengo dieliba.

Aro thaanavitika naalunengo velkiba mostula ringos lel penge altiki 3 prosenttos thaanesko velkibiako stedosko lyijenna ta 2 prosenttos ajasaave thaanenna so na aahhela aro lengo velkibosko stedos, te lel penge horttiba te aaves aro mandatengo dieliba.

Mandatengo dieliba maĥkar politikaane ringi

Anglunes aavela dielime biömsavitika mandate ta paale douva itĥleetibosko mandati. Biömsavitika mandati aavela dielime aro botnosko velkiba doola lyijenna save ringi hin liine penge aro velkibosko stedenna.

Douva drabibosko metodos so aavela stellime aro biömsavitika mandati hin khaarime ”itĥveerime auri-aavibosko metodos”.

Europako Parlamentosko velkiba

Europako Parlamentosko mandati aaĥĥena saare biömsavitika ta velkibosko parttos/stedos hin hilo them.