Published: 1 March 2023

Tjaatsesth dov veeljemesijjesne veeljemebiejjesne

Tjaatsestimmiekåarhtesne tjåådtje mij veeljemegievlide govlesovvh, veeljemesijjien nomme, adresse jïh ræhpastïjjh.

Datne maahtah ajve tjaatsestidh dennie veeljemesijjesne mij dov tjaatsestimmiekåarhtesne tjåådtje.

Jis datne ih maehtieh dov veeljemesijjesne tjaatsestidh maahtah tjaatsestidh sijjesne gusnie maahtah åvtelhbodti tjaatsestidh mij ræhpas veeljemebiejjien.

Datne tjoerh datnem identifijeradidh

Datne tjoerh maehtedh dov identiteetem vihtiestidh jis galkh åadtjodh tjaatsestidh.

Jis eah tjaatsestimmiedåastojh datnem damth tjoerh id-paehperem vuesiehtidh, vuesiehtimmien gaavhtan vuejemeleahpa jallh paasse.

Jis ih naan id-paehperem utnieh maahta mubpie persovne dov identiteetem vihtiestidh jïh dellie dïhte persovne tjuara id-paehperem vuesiehtidh.

Naemhtie veeljemebiejjien tjaatsestidh veeljeminie rïjhkebeajjan, tjïelte- jïh regijovnereeremidie

  1. Veeljh veeljemesïetelh.
  2. Vaeltieh veeljemeskuahpam.
  3. Vaedtsieh veeljemebïerjesem duakan jïh öörnh dov tjaatsestimmiem. Bïejh kroessem kandidaaten åvteste veeljemesïetelisnie jis sïjhth persovnem tjaatsestidh.
  4. Vedtieh dov veeljemeskuahpah jïh id-paehperem tjaatsestimmiedåastoejasse.
  5. Tjaatsestimmiedåastoje dov identiteetem vååksje, tjaatsestimmielåhkose tjaeleste datne leah tjaatsestamme jïh minngemes dov veeljemeskuahpide veeljemelæhtan beaja.

Ih gaavnh dov krirrien veeljemesïetelem?

Vaeltieh gåaroes veeljemesïetelem jïh tjaelieh krirrien nommem dïsse.

Maahtah aaj persovnem tjaatsestidh, dellie tjaelieh krirrien nommem jïh kandidaaten nommem mïsse sïjhth tjaatsestidh.

Jis dov lea krirrieveeljemesïetele maahta kandidaaten nommem dïsse. Bïejh dellie veeljemesïetelem fïerhtene veeljemeskuahpese jïh gaptjh veeljemeskuahpide.

Naemhtie veeljemebiejjien tjaatsestidh veeljeminie Europa-parlameentese

  1. Veeljh veeljemesïetelh.
  2. Vaeltieh veeljemeskuahpam.
  3. Vaedtsieh veeljemebïerjesem duakan jïh öörnh dov tjaatsestimmiem. Bïejh kroessem kandidaaten åvteste veeljemesïetelisnie jis sïjhth persovnem tjaatsestidh.
  4. Vedtieh dov veeljemeskuahpah jïh id-paehperem tjaatsestimmiedåastoejasse.
  5. Tjaatsestimmiedåastoje dov identiteetem vååksje, tjaatsestimmielåhkose tjaeleste datne leah tjaatsestamme jïh minngemes dov veeljemeskuahpide veeljemelæhtan beaja.

Ih gaavnh dov krirrien veeljemesïetelem?

Vaeltieh gåaroes veeljemesïetelem jïh tjaelieh krirrien nommem dïsse.

Maahtah aaj persovnem tjaatsestidh, dellie tjaelieh krirrien nommem jïh kandidaaten nommem mïsse sïjhth tjaatsestidh.

Jis dov lea krirrieveeljemesïetele maahta kandidaaten nommem dïsse. Bïejh dellie veeljemesïetelem fïerhtene veeljemeskuahpese jïh gaptjh veeljemeskuahpide.