Publicerad: 2 mars 2023

Zakono aj ordina

Zakonori po alojimos

Valmyndigheternas si lengi buči sar keren o alojimos aj te len pe pala le zakonori po alojimos aj alojimaski ordina.

Ordina pe sala kana aven le manush te alon

Le bučarne kaj lašaren e sala te aven le manush te alon si len obligatcija te zal e buči vorta aj te avel ordina ande sala, alojimaski lokalo aj maškar le rama pe alojimaski karta. E partia naj lenge slobodia te keren propaganda sar le manush te alon kana von lašaren le rama kana alon.

Te ačares ke ci gela vorta o alojimos, trubos atunči te phenes kaj le bučarne ande sala ke naj vorta. Tu biris vi te les kontakto kaj alojimaski grupa ande komuna.

Te vacis opral pa o resultato po alojimos

Te avela ke tu ačares ke si variso doš vaj naj vorta te miškisaljo o resultato po alojimos biris te vacis opral pa o resultato.

E ram šaj trades kaj vacsajlan kaj le raj (Valprövningsnämnden) sar maj sigo pala o dzes kana sas o alojimos aj pala des dzesa pala o resultato po alojimos kana phende kon nerinda.

Valprövningsnämnden External link.

Uni bajori saj avel ke phangen pe le zakonori

Kana phangen pe le zakonori trubos te puris kaj le rajbare kana varikon kerda sar eksemplo:

  • dine vaj line love te alon pe pe varekaste vaj te na alon
  • te dikhel varikon sar alondan vaj
  • te zumaven te ašaven o alojimos vaj te xoxaven o resultato