Válljimfábmudagá dahkamus

Válljimfábmudahka gájkbadjásattjat åvdåsvásstádusáv adná plánimis ja aktidimes válljimij ja rijkalasj álmmukjienastimij tjadádimes.

Válljimfábmudagán li dahkamusá vuollelin:

• mierret válljimbåhtusav ja nammat ájrrasijt ja sadjásattjajt rijkkabäjvváj ja Europaparlámänntaj,
• åvdet bagádallamijt ja åhpadusábnnasijt lenastivrajda ja kommuvnalasj válljimsiebrrerádijda,
• åvdet válljimábnnasijt nåv gåk jienastimkårtåjt, válljimsiedilijt, válljimkuverajt ja jienastimlågov,
• diedet válljijiddjijt goassa, gånnå ja gåktu válljim tjadáduvvá,
• duosstu belludagáj diededimev válljimij ja belludaknamádisáj registardimijt,
• åvdåsvásstádusáv adná válljimtjuottjodime doajmmadårjas.

Válljimfábmudagán la aj dahkamussan viesajdiddjeálgadimijn EU:an gehtjadit ja duodastit doarjjatjielggidusájt.