Publicerad: 10 mars 2023

Biribaskoro rezultati

Preliminarno biribaskoro rezultati

Keda o biribe i gotovo ko biribaskoro dive, tegani phravena pe e biribaskere sandukija hem genjena pe jekvare o glasija hem raportirinela pe o rezultati ko Biribaskoro vlasti.

Keda i genjde sa o glasija hem o biribaskere lokalija raportirindže o rezultati, tegani e Biribaskoro vlasti kerela jek preliminerno mandatngoro ulavibe.

Paluno biribaskoro rezultati

Palo odova e provincijakoro ingaribe (Länsstyrelsen) genjela dujto var o glasija. Tegani ovena čhivde hem o glasiba ko džene.

Keda birinela pe bašo Phuvjakoro parlamenti, komunakoro parlamenti hem regioneskoro parlamenti tegani genjela pe angleder o Phuvjakoro biribe. Palo odova genjena pe o glasija bašo komunakoro parlamenti hem ko krajo o glasija bašo regioneskoro parlamenti.

O rezultati sikavela pe celo vreme ko Biribaskoro vlasteskoro webbthan.

O paluno rezultati bašo Phuvjakoro parlamenteskoro biribe hem bašo Evropakoro parlamenti ovela khedimo komaj jek kurko palo biribaskoro dive. O rezultatija bašo komunakoro hem regioneskoro parlamenti obično lela 14 divesa palo biribaskoro dive te oven khedime.

E biribaskoro rezultati publicirinela pe ko www.val.se. Othe isi o akanutne parlamentarija hem o parlamentarija so mukhena i buti bašo aktuelno mandateskoro periodi.