Láhka ja årnik

Válljimlága

Válljimfábmudagáj dahkamusá ja válljima tjadádibme njuolgaduvvá ienemusát válljimlágan ja válljimbiejadusán.

Årnik jiednaduosstomin

Jiednaduostudiddjij åvdåsvásstádusáv adná jienastibmes vaj rievtesláhkáj dagáduvvá ja årnigis válljimlanján, jienastimlanján ja válljimsiedilijn. Belludagá e oattjo kampánnjit gånnå válljijiddje gárvviji ietjasa jienajt.

Jus duv miela milta jienastibme ij la rievtesláhkáj dagáduvvam, de lulu vuostatjin dav jiednaduostudiddjijda tsuojgodit. Máhtá aj aktavuodav válldet kommuvna válljimsiebrrerádijn.

Gujddit válljimbåhtusav

Jus duv miela milta juoga l boasstot jali mätto li válljimbåhtusav bájnatjam de máhtá válljimbåhtusav gujddit. Gujddim rájaduvvá Válljimgähttjamsiebrrerádáj áramusát biejve válljimbiejve maŋŋela ja maŋemusát lågev biejve

Válljimgähttjamsiebrreráde External link.

Vissa dáhpájdusá dávk littji vahága

Vahága ma galggi polijssaj diededuvvát li buojkulvissan jus soames:

• • vaddá jali duosstu mávsov jienastittjat sierraláhkáj jali ij åvvå jienastit,
• • åtsåt gåktu soames la jienastam jali,
• • gähttjal válljimav hieredit jali båhtusav ietjájduhttet.