Mandatos

Dooleske te velkibosko resultatos aavelas jakke naal tšettime sar hin vojime aro themmuno ta rigiako fallibiako velkibi hin stellide thaanavitiko naaleskiirosko itĥleetibosko mandatos.

Vaagunes daha auri biömsavitika mandate ta paalal douva itĥleetibosko mandate.

Politikaano Ringos koon naa liias penge biömsavitiko mandatos vojuvena len penge panna itĥleetibosko mandatos. Aro Europako Parlamentosko velkibi hin bi endo biömsavitika mandate.

Sistunes aro Luludžako tšoonesko 30 diives kajo velkibosko berĥ hyövyla Velkibosko staadengiire tšeeres dömmös dotta sar buut biömsavitika mandate sakka themmune velkibosko rig/stedi lela. Mandatengo dielibosko botnos aavela tšerto praal douva sar buut lyijengo diinibongiire džiivela aro douva velkibosko rig/stedos.

Hilo Sveittiko them hin velkibosko stedosko/rig kaana hin Europako Parlamentosko velkiba. Sar baro mandatos/sar buut naalengiire sakka lendako themme lena penge aavela dotta sar buut komuje džiivela aro douva them. Sveittiko themmes hin 20 mandatos aro Europako Parlamentos.