Publicerad: 10 mars 2023
Biribe bašo Samikano parlament
O biribe bašo Samikano parlamenti ikerela pe ko trinto purano kurko ko maj masek ko sakova štarto berš.
Sa o samija so prijavindže pe hem ule čhivde ki glasibaskiri lista bašo samikano parlamenteskoro biribe šaj te glasinen.
Trin vlastija kerena buti e biribaja
O administratikane butikeribaskere zadače ko biribe bašo samikano parlamenti i ulavde maškar akala vlastija:
- Samikane parlamenteskiri komisija
- Provinciakoro ingaribe ki Norrbotteneskiri provincija
- Biribaskoro vlasti
Samikane parlamenteskiri biribaskiri komisija
E samikane parlamenteskiri biribaskiri komisija odgovorinela maškar o javer te kerel e glasibaskiri lista, te kerel te ovel glasibaskoro lokali hem biribaskoro glasengoro khedari.
Provinciakoro ingaribe ki Norrboteneskiri provincija
E provincijakoro ingaribe ki Norrbotteneskiri provincija odgovorinela maškar o javer bašo krajno genjibe hem odlučinela bašo eventualno rovibe keda i ko pučiba i prelimenerno glasibaskiri lista.
E provincijakoro ingaribaskoro webbthan ko Norrbotten
External link.
Biribaskoro vlasti
E Biribaskere vlaste isi jek kordinikano odgovornost bašo biribe hem odgovorinela maškar o javer bašo glasibaskere karte, registriribe e grupen, partien hem organizacien hem olengere kandidaten ama hem bašo pečatiribe e biribaskere listija.