Published: 10 March 2023

Lyijako diinibongiirengo listos

Te lel peske horttiba te del lyija tuut hin mostiba te aaĥĥes aro lyijengo diinibongiirengo listos.

Lyijengo diinibongiirengo listi aavela fendime/neevime sakka var naalide ta doori hin tšunte endo doola komujengo naave koonen hin hrttiba te del lengo lyiji aro douva velkiba. Velkibosko listi hin liino apre ta biĥime aro sakka velkibosko rigie ta doola naavengo listi hin apre aro velkbiako stedi.

Doola komuje koonen tenkina te aro velkibosko listos naa na aaĥĥela tšatšo džaanibi lenna mostuveha rannime veijeha kammes te douva džaaniba aavela fendjime. Dauva kammimos mostula aaves aro Rigiako falliba sistunes 12 diives sigide velkibosko diives.

Doola sveittika themmengiire koonen hin džeene auri themmeatta (auriako sveittika) aavela liino aro lyijiboskiirengo listos ke joon hin džeene auri themmeatta kajo sisto deĥ berĥĥesko tiija elle ke joon hin pĥukade peen kajo sisto 30 diives sikide aro Themmuno Presibiake te joon kammena aavel tšunto aro lyijako diinibongiirengo listos. Dauva pĥukiba hin mostiba tšeeres tšenom buuribosko stedosko nau so hyövyla biĥaves aro Themmuno Presibiako Tšenstabongiire . Doori hin nii froĥlaaga plankettos auriako sveittika themmengiirenge, koonen kammena pĥukaves peen aro lyijengo diinibiako listos.