Publicerad: 10 mars 2023

Glasibe reprezentanteja

Te glasinel pe reprezentanteja značinela kaj džiko javer a na tu, ingarela o glasibe ko tlo biribaskoro lokali ja pale ko jek lokali bašo anglovremeskoro glasibe.

Tu so mangea te glasine reprezentanteja mora te ovel tut specijalno matrijali bašo glasibe reprezentanteja.

O matrijali šaj poručinela pe kotar e Biribaskoro vlastil, jekh komuna ja pale kotar jek provincijakoro ingaribe (länsstyrelse).

Tu šaj te glasine reprezentanteja te isi tut akala soskipa

  • Baro phuripe
  • nasvalipe
  • funkciniribaskoro čhinavibe
  • te sian lindo ko pritvor ja pale ko phanlipa
  • te bešeja ja pale te sian ko jek kaske so phenela pe gavutnikane poštakoro ulavibe hem tegani glasineja e pomočeja kotar i gavutnikani pošta.

O džene so šaj te oven reprezentantija

  • tlo rom, tli romni ja sambo
  • tle romesker, tle romnjakere čhave, unukija, daj-dad ja pale phenja-phralja
  • okola so dena tut profesionalno ja pale slično arakhibe, ja pale okola so obično pomožinena tut ko tle buča
  • o gavutnikano poštari
  • bučakerde manuša ko pritvor ja phanlipe.

Te na pendžareja džikas so šaj te ovel tuke reprezentanti, tegani tli komuna šaj pomožinela tut te bičhalel tuke khere jek glasongoro khedari. Kontaktiin tle komuna.