Till startsidan

Publicerad: 13 mars 2020

Anglovremeskoro glasibe

Anglovremeskoro glasiba značinela kaj tu glasineja javerte džigde a na ko tlo biribaskoro lokali.

O anglovremeskoro glasibe šaj te kere ki tli komuna ja pale ki javer komuna..

O Anglovremeskoro glasibe lela te ovel jek trin kurke angleder e biribaskoro dive hem ovela sa dži ko biribaskoro dive.

Kaj te šaj te glasine ko anglovremeskoro glasibe tegani mora te ovel tut tli glasibaskiri karta hem tlo identifiribaskoro dokumenti.

Adžahar šaj te kere o anglovremeskoro glasibe bašo biribe ko Phuvjakoro parlamenti, komunakoro hem regioneskoro parlamenti

  1. Birin biribaskoro listo.
  2. Le jek biribaskoro kuferti.
  3. Dža pali jek biribaskiri perda hem spremin tlo glaso. Te mangljan te glasine upro jek dženo čhiv tegani jek krsto ko biribaskoro listo bašo jek kandidati.
  4. Mukh tle kufertija, tli glasibaskiri karta hem tlo identifiribaskoro dokumenti ko glasongoro khedari.
  5. E glasongoro khedari kontrolirinela tlo identiteti hem čhivela nišani kaj tu glasindžan.
  6. E glasengoro khedari čhivela e biribaskere kufetija hem e glasibaskiri karta ko jek džamikano kuferti. O džamikano kuferti lepinela pe hem čhivela pe ko jekh khedibaskoro sanduko.

Našti te arakhe tle partijakoro biribaskoro listo?

Le jek čučo biribaskoro listo pišin e partijakoro anav othe.

Tu šaj te glasine upro dženo odolea so pišinea e partijakoro anav hem e kandidadeskoro anav kaske so mangea te glasine. Te isi tut jekhe partijakoro biribaskoro listo tu šaj te pišine e kandidadeskoro anav othe.

Palo odova čhiv jek biribaskoro listo ko sakova biribaskoro kuferti hem phande len.

Adžahar šaj te kere o anglovremeskoro glasibe bašo Evropakoro parlamenti

  1. Birin biribaskoro listo.
  2. Le jek biribaskoro kuferti.
  3. Dža pali jek biribaskiri perda hem spremin tlo glaso. Te mangljan te glasine upro jek dženo čhiv tegani jek krsto ko biribaskoro listo bašo jek kandidati.
  4. Mukh o biribaskoro kuferti, tli glasibaskiri karta hem tlo identifiribaskoro dokumenti ko glasongoro khedari.
  5. E glasengoro khedari kontrolirinela tlo identiteti hem čhivela nišani kaj tu glasindžan.
  6. E glasengoro khedari čhivela o kuferti hem e glasibaskiri karta ko jek džamikano kuferti. O džamikano kuferti lepinela pe hem čhivela pe ko khedibaskoro sanduko.

Našti arakhea tle partijakoro biribaskoro listo?

Le jek čučo biribaskoro listo hem pišin e partijakoro anav othe.

Tu šaj te glasine upro jek dženo odolea so pišinea e partijakoro anav hem o anav e kandidadeskoro kaske so mangea te glasine.

Palo odova čhiv jek biribaskoro listo ko biribaskoro kuferti hem phande ole.

Tli glasibaskiri karta hem biribaskoro kuferti bičhalela pe ko tlo biribaskoro lokali

Ko jek lokali bašo anglovremeskoro biribe nane jek glasibaskiri lista te šaj te čhive pe nišani kaj glasindžan. Odoleske ko biribaskoro dive bičhalela pe tle biribaskere kufertija hem tli glasibaskiri karta ko tlo biribaskoro lokali.

Ko biribaskoro lokali čhivela pe nišani ki glasibaskiri lista kaj tu glasindžan hem tegani ulavela pe e glasibaskiri karta kotar o biribaskoro kuferti ja pale kotar e biribaskere kufertija.

Odova značinela kaj tle biribaskere kufertija našti te phanden pe tle biribaskere kartaja keda ka genjen pe o glasija.

Other languages