Te glasinel pe lilea

Ki nedelja ko 9 juni 2023 ka ovel biribe bašo Evropikano parlamenti ki Švedia.

Adžahar šaj te kere

1. Pripremin tlo glasibe rahati. Ko parno biribaskoro listo pišinea o anav e partijakoro upri kaste mangea te glasine. Tu šaj hem glasine upro dženo odolea so pišinea e kandidadeskoro anav upro kaste mangea te glasine. Čhiv e biribaskoro listo ko biribaskoro kuferti. Phan o kuferti oleskere lepakoja ja pale phagindor e lileskoro krajo. Odova šaj kereja bizo te oven ko than o svedokija.
2. Te ule ko than duj svedokija, čhiv tlo biribaskoro kuferti ko kuferti kori so terdžola ”Phagerde kufertija bašo lilengoro glasibe”. Lepin pale o kuferti. Pišin tle podatke hem tlo potpis haljovde ki angluni strana ko kuferti. Kaj te šaj o glasibe te ovel priznajmo trebela sa o podatke mora te pheren pe.
3. O svedokija ka pišinen ple podatke hem potpisija haljovde ki paluni strana ko phagerdo kuferti. Mora te oven pherde sa o podatke kaj te šaj o glasibe te ovel priznajmo.
4. Palo odova le o kuferti soj beležimo e textea ”Pačaribaskoro kuferti bašo lilengoro glasibe”.
   Te isi tut jekh glasibaskiri karta: Čhiv e glasibaskiri karta anglo phagerdo kuferti ko pačaribaskoro kuferti kaj te šaj te dikhel pe i adresa ko pačaribaskoro kuferteskoro džami kotar e biribaskiri komisija tari tli komuna.
   Te nane tut glasibaskiri karta: Čhiv o phagerdo kuferti adžahar kaj te šaj te dikhel pe i adresa kotar e Biribaskoro vlasti ko ko pačaribaskoro kuferteskoro džami.
5. Kontrolirin kaj tu kerdžan sa o buča sar so terdžola upre. Te kerdžan sa sar so terdžola upre tegani tu sian spermno te lepine e pačaribaskoro kuferti hem te čhive oleske marka! Bičhal tlo lileskoro glasibe kotar javer phuvja so posigate so šaj ama najrano ko 25 aprili 2024 berš. O lileskro glasibe mora te resel ko vreme bašo glasengorogenjibe. O glasibe na tromala te ovel bičhaldo kotar i Švedija.

Bičhal e lileskoro glasibe najrano ko 25 aprili

E lileskoro glasibe značinela kaj tu glasinea angleder odolea so bičhalea tlo glaso ko vreme kotar javer phuv poštaja angleder e biribaskoro dive.

O glaso ka bičhalel pe adžahar so ov te resel ko vreme bašo glasengorogenjibe. O glaso na ka genjel pe te ulo bičhaldo kotar i Švedija.

E lileskoro glasibe bičhalela pe ko odova biribaskoro lokali ki Švedija kori so tu pripadineja. Ko biribaskoro lokali ulavela pe i glasibaskiri karta kotar biribaskoro kuferti. Palo odova čhivela pe e biribaskoro kuferti ko biribaskoro sanduko barabar e javere glasoncar, ko isto način sar te phene keda glasinea ko biribaskoro lokali.

Svedokija

Kaj te šaj te glasine lilea trebela te ovel tut duj svedokija so isi olen najhari 18 berša pherde. O svedokija nane mora te oven švedikane državljajna.

O svedokija ka svedočinen kaj o glasibe lileja kerdža pe sar so trebela prema o pravilo odolea so pherena ple podatke ko phagerdo kuferti. E svedokon te nane švedikane personalna broja, tegani ola ka pišinen ple bijanibaskere datumija.

Važno tano o svedokija te pišinen ple podatke haljovde ki te šaj o glaso te ovel priznajmo.

Biribaskoro listo

Ko matrijali isi jek čučo biribaskoro listo. Ki oleste šaj pišinea o anav e partijakoro ama hem e kandidate upri kaste so mangea te glasine, te mangljan te glasine upro dženo. Dikh te pišine haljovde.

Buteder informacija bašo glasibe upro dženo, partie hem kandidatija isi ki švedikani čhib

Glasibaskoro pravo hem glasibaskiri karta

Te isi tut glasibaskoro pravo tegani tu sian andre gi glasibaskiri lista hem dela pe tuke glasibaskiri karta. Ki glasibaskiri karta terdžola tlo glasibaskoro pravo.

Tut isi glasibaskoro pravo te sian švedikano državljani, te sian ja pale te sian sine registririmo ki Švedija. Tut isi glasibaskoro pravo te sian državljani ki disavi phuv ki EU, te sian registririmo ki Švedija hem te prijavindžan tut ki glasibaskiri lista.

O švedikane državljanja soj registririme ki Švedija khuvena automatikane ki glasibaskiri lista. O EU državljanja so mangena te khuven ki glasibaskiri lista mora te prijavinen pes ko länsstyrelsen najkasno 30 divesa angleder e biribaskoro dive.

Ma bistre kaj:

• Trebela te ovel tut pherde 18 berša najkasno ko biribaskoro dive.
• Okova dženo so na sine registririmo ki Švedija nane ole glasibaskoro pravo.
• Tu so sian švedžani ki javer phuv hem bešja ki javer EU phuv, šaj te birine te glasine ki odoja phuv kori so bešea. Ki asavki situacija kontaktirin e biribaskere vlaste ki odoja phuv kori so bešea ki te šaj te prijavine tut ki glasibaskiri lista othe. Sar birači tu šaj te glasine ki jek phuv mada isi tut duplo državljanstvo.