Te alosares počtasa

Kurke 9 juni 2024 si alosaripe khaj Europako parlamento ando Švedo.

Kade si te keres

1. De gata čiro glaso korkori. Pe kodo šušo alosarimasko lil skris o anav pe kodi partia khaj kames te alos. Biris vi te alos po manuš kana skris o anav pe partia thaj o anav pe kodo kandidato pe kaste kames te alos. Šuv o alosarimasko lil ande alosarimaski koperta. Phandav e koperta, lipin tele vaj pagh o lil. Kado biris te keres bi šviatkongo.
2. Te si tut duj šviatukra, šuv čiri alosarimaski koperta ande koperta khaj skrij pe ”Ytterkuvert för brevröst”. Lipin pale e opruni koperta. Skrin čire personalne infromatsi thaj skrin telal čire anavesa anglal pe opruni koperta. Sa e informatsi musaj te aven skirime te ginadžol o glaso.
3. Šviatkura si te skrin penge informatsi thaj te skrin telal te dičol palal pe avrutni koperta. Sa informatsi musaj te aven skirime te ginadžol o glaso.
4. Le pala kodo e koperta khaj skrij pe ”Omslagskuvert för brevröst”.
   Te si tut jekh alosarimaski lil: Šuv andre alosarimasko lil angla avrutni koperta ande krujaleski koperta te dičol o adresi khaj valnämnden ande čiri komuna ande tsini feljastra ande krujaleski koperta.
   Te naj tut alosarimasko lil: Šuv avrutni koperta te dičol Valmyndighetens adreso ande feljastra ande krujaleski koperta.
5. Ker kontrola ke kerdan sa pasura khaj si opral. Te nakhlan sa e pasura opral biris te lipis e krujaleski koperta thaj te šos pečata! Bišav čiro počtako alosaripe khatar kaver them sar maj sigo feri maj sigo 25 aprili 2024. Počtako alosaripe musaj te aresel pe vrama khaj o alosarimasko ginajipe. O glaso naštik te avel bišado anda Švedo.

Bišav o počtako glaso maj sigo 25 aprili

Kana alosares počtasa značil kodo ke tu alosares angla anglosaripe kana bišaves čiro glaso anda kaver them vramasa angla alosarimasko džes.

Glaso si te avel bišado te aresel pe vrama khaj o alosarimasko ginajipe. Glaso či avla ginado te avla bišado anda Švedo.

Počtako glaso avla bišado khaj kodi alosarimaski sala ando Švedo khaj san panglo. Ande alosarimaski sala si alosarimasko lil lino avri anda alosarimaski koperta. Alosarimaski koperta si pala kodo andre šudini ande alosarimaski boksa khetanes kusa e kaver glasura, sa kade sar te alosardanas andre ande alosarimaski sala.

Šviatkura

Te biris te alosares počtasa trobuj tut duj šviatkura khaj perdžile 18 år. Šviatkura naj musaj te aven šveditska sitizentura.

Šviatkura si te garantulin ke o počtako glaso sas kerdo sar khaj trobuj kana von skrin pengi informatsia ande avrutni koperta. Te naj e šviatkon šveditska numera birin von te skrin penge beršenge informatsi.

Važno si te skrin e šviatkura penge informatsi te dičol mišto ke kade či ginadžola o glaso.

Alosarimasko lil

Ando materialo si jekh parno alosarimasko lil. Pe kodo biris te skris o anav pe partia thaj vi pe kodo kandidato pe kaste kames te alosares. Ghindon te skris te dičol mišto.

Maj but informatsia pa alosaripe pe manuš, parti thaj kandidatura si po šveditsko linko

Alosarimasko čačipe thaj alosarimasko lil

Te si tut alosarimasko čačipe san tu ande alosarimasko ginajipe thaj les jekh alosarimasko lil. Pe čiro alosarimasko lil skrij čiro alosarimasko čačipe.

Tut si alosarimasko čačipe te san šveditsko sitizento thaj san vaj sanas skirime ando Švedo. Tut si vi alosarimasko čačipe te san sitizento ande varisavo them khaj si ando EU, san skirime ando Švedo thaj dan tut opre khaj šveditsko alosarimasko ginajipe.

Šveditska sitizentura si automatično andre ando alosarimasko ginajipe. EU-sitizentura khaj kamen te aven andre ando šveditsko alosarimasko ginajipe musaj te den pe opre khaj länsstyrelsen maj palunes 30 džes angla alosarimasko džes.

Observulin ke:

• Si te aves 18 beršengo maj palunes po alosarimasko džes.
• Jekh khaj šoha nas skirime ando Švedo či inkrel alosarimasko čačipe.
• Tu khaj san švedano ande jekh kaver them thaj trajis ande jekh EU-them biris te alos ande kodo them khaj trajis. Le kontakto kusa o valmyndigheten ande kodo them khaj trajis te des tut opre ande lengo alosarimasko ginajipe. Sar sitizento biris feri te alosares ande jekh them vi te si san sitizento ande duj thema.