Prievine jïenestidh

Aejlegen ruffien 9.b. 2024 lea dïhte veeljeme Europaparlamentese Sveerjesne.

Naemhtie darjoeh

1. Öörnh dov jïenestimmiem gosse oktegh. Gåaroes veeljemesïetelasse datne tjaalah krirrien nommem maam sïjhth jïenestidh. Datne maahtah aaj persovnese jïenestidh dellie krirrien nommem jïh kandidaaten nommem tjaalah mejtie sïjhth jïenestidh. Bïejh veeljemesïetelem veeljemeskuahpan sïjse. Gaptjh skuahpam njimkedahkine vuj marngesth guktie gaptjeldh.
2. Gosse göökte væhnah vuejnieh, bïejh dov veeljemeskuahpam skuahpan sïjse mij lea mïerhkesjamme “Ålkoeskuahpa prieviejïenestæmman” / “Ytterkuvert för brevröst”. Gaptjh ålloeskuahpam njimkedahkine. Tjaelieh dov persovnebïevnesh jïh dov nommem tjïelkelaakan ålkoeskuahpan åvtesæjrose. Gaajhkh bïevnesh tjoerh dievhtedh guktie jïenestimmie dåhkasjehtedh.
3. Væhnah dej bïevnesh jïh nommh tjïelkelaakan tjaelieh ålkoeskuahpan duekiesæjrose. Gaajhkh bïevnesh tjuerieh dievhtedh guktie jïenestimmie dåhkasjehtedh.
4. Vaeltieh dan mænngan skuahpam mij mïerhkesjamme “Skuvmieskuahpa prieviejïenestæmman” / “Omslagskuvert för brevröst”.
   Jis dov lea jïenestimmiekåarhte: Bïejh jïenestimmiekåarhtem ålkoeskuahpan uvte skuvmieskuahpan sisnie guktie veeljememoenehtsen adresse dov tjïeltesne vååjnoe skuvmieskuahpan föönsterisnie.
   Jis ij dov leah jïenestimmiekåarhte: Bïejh ålkoeskuahpan guktie Veeljemereeremen / Valmyndighetens adresse ålkoeskuahpesne vååjnoe skuvmieskuahpan föönsterisnie.
5. Vaaksjoeh guktie gaajhkh sïllh dennie bijjene tjïrrehtamme. Jis datne leah gaajhkide sïlline dennie bijjene tjïrrehtamme dellie riejries skuvmieskuahpan njimkedahkine gaptjedh jïh dam frankeeredh! Seedth dov prieviejïenestimmiem ålkoelaanteste dallegh mohte aaremosth voerhtjen 25.b. 2024. Prieviejïenestimmie tjuara båetedh goske jïenestimmieryökneme aalka. Ih åadtjoeh jïenestimmiem Sveerjeste seedtedh.

Seedth prieviejïenestimmiem aaremosth voerhtjen 25.b.

Prieviejïenestimmie sæjhta jiehtedh datne åvtelhbodti jïenestidh gosse dov jïenestimmiem ålkoelaanteste seedtedh buerie astoen veeljemebiejjien åvtelen.

Jïenestimmiem seedth guktie dïhte båata goske jïenestimmieryöknemen aalka. Ibie jïenestimmiem ryöknh jis dam Sveerjeste seedteme.

Prieviejïenestimmiem seedth veeljemesæjjan Sveerjesne mïsse govlesovvh. Veeljemesijjesne jïenestimmiekåarhte veeljemeskuahpeste juaka. Veeljemekåarhte dan mænngan veeljemegeegkese beaja dej jeatjah jïenestimmiej ektine, seamma vuekine jis datne leah veeljemesijjesne jïenestamme.

Væhnah

Guktie datne maahtah prievine jïenestidh dellie datne göökte væhnah daarpesjh gïeh 18 jaepieh illeme. Eah dah væhnah daarpesjh sveerjen årrojh årrodh.

Væhnah edtjieh vïhnesjidh prieviejïenestimmiem öörneme reaktoe vuekine dam darjoeh gosse dej bïevnesh ålkoeskuahpese tjaelieh. Jis eah væhnah sveerjen persovnenummerh utnieh dellie dah maehtieh dej reakadimmiedaatojde tjaeledh.

Vihkele væhnah dej bïevnesh tjïelkelaakan tjaelieh guktie ij jïenestimmiem sjïdth dåhkasjehtedh.

Veeljemesïetele

Materijaalesne gåaroes veeljemesïetele gååvnese. Dïsse maahtah krirrien nommem jïh aaj kandidaaten nommem tjaeledh mïsse sïjhth jïenestidh. Ussjedh tjïelkelaakan tjaeledh.

Vielie bïevnesh persovnejïenestimmien, krirriej jïh kandidaati bïjre gååvnesieh sveerjengïelesne svaalhtesisnie.

Jïenestimmiereakta jïh jïenestimmiekåarhte

Jis dov lea jïenestimmiereakta datne jïenestimmielåhkosne gååvnesh jïh jïenestimmiekåarhtem åadtjoeh. Dov jïenestimmiekåarhtesne dov jïenestimmiereaktam tjåådtje.

Dov lea jïenestimmiereakta jis dov lea sveerjen årrojh jïh datne leah vuj lih Sveerjesne åålmehtjaalegisnie. Datne aaj jïenestimmiereaktam åtnah jis datne årroje naan EU:n lïhtsegelaantine, Sveerjesne åålmehtjaalegisnie jïh sveerjen jïenestimmielåhkose bïeljelamme.

Sveerjen årrojh gïeh leah åålmegetjaalegisnie Sveerjesne leah meatan jïenestimmielåhkosne. EU-årrojh gïeh sijhtieh meatan sveerjen jïenestimmielåhkosne tjuerieh leeneståvrose bïeljelidh minngemes 30 biejjieh veeljemebiejjien åvtelen.

Vueptesth:

• Datne edtjh 18 jaepieh illeme minngemes veeljemebiejjien.
• Almetje gie ij gåessegh åålmehtjaalegisnie Sveerjesne ij jïenestimmiereaktam utnieh.
• Datne gie ålkoelaantesveerjeladtje jïh jeatjah EU-laantesne årroeh maahtah veeljedh jïenestidh laantesne gusnie årroeh. Bïeljelh dellie veeljemereeremem laantesne gusnie årrodh jïh bïeljelh jïenestimmielåhkose dusnie. Goh veeljije datne åadtjoeh ajve aktene laantesne jïenestidh jïlhts dov leah guektien årrojevoeth.