Jienastit brevajn

Ájllega biehtsemáno 9.b. 2024 l válljim Europaparlamänntaj Svierigin.

Dån dagá návti

1. Riejddi ietjat jienav aktu allasit. Guoros válljimsiedilin dån tjála namáv belludahkaj masi dån sidá jienastit. Tjále belludaknamáv ja namáv kandidáhttaj gesi dån sida jienastit de dån besa aj almasjjienastit. Bieja válljimsiedilav válljimkuverraj. Måskosta kuverav gå dabbmi dav aktij. Dån dagá dáv váni vihtanij lahkaårroma dagi.
2. Guovte vihtanij lahkaårromin, bieja ietjat válljimkuverav kuveren mierkkidum "Ålgoldiskuverra brevvajienastibmáj". Dabbmi aktij ålgoldiskuverav. Tjále ietjat ulmusjdiedojt ja ietjat nammatjállagav tjielggasit ålgoldiskuvera åvddåbielen. Dåhkkidittjat jienav de gájkka diedo hähttuji dievdeduvvat.
3. Vihtana galggi tjállet ietjasa diedojt ja nammatjállagijt tjielggasit ålgoldiskuvera duohkáj. Dåhkkidittjat jienav de gájkka diedo hähttuji dievdeduvvat.
4. Válde de kuverav mierkkidum "Ålgoldiskuverra brevvajiednaj"
   Jus dujna l jienastimkårttå: Bieja jienastimkårtåv ålgoldiskuvera åvddåj ålgoldiskuveran vaj adrässa válljimsiebrrerádáj duv kommuvnan vuojnnu vinndegin ålgoldiskuveran.
   Jus dujna illa jienstimkårttå: Bieja ålgoldiskuverav vaj Válljimfábmudagá adrässa ålgoldiskuveran vuojnnu ålgoldiskuvera vinndegin.
5. Gehtjada ahte dån la gehtjadam gájkka tjuoggájt badjelin. Jus dån la gehtjadam gájkka tjuoggájt badjelin de dån la gergas dábbmit aktij ålgoldiskuverav ja biedjat brevvamerkav dasi! Rája ietjat brevvajienav ålggorijkas nåv ruvva gå máhttelis valla áramusát vuoratjismáno 25.b. 2024. Brevvajiedna hähttu boahtám ájge bále jiednariekknimij. Ij la loahpe rádjat jienav Svierigis.

Rája brevvajienav áramusát vuoratjismáno 25.b.

Brevvajienastit mierkki dån åvddålájgejienasta gå dån bieja ietjat jienav påvsstålådaj ålggorijkas ájge bále válljimbiejve åvddåla.

Jiedna galggá rájaduvvat vaj la boahtám ájge bále jiednariekknimij. Jiedna ij riekkniduvvá jus dat biejaduvvá brevvalådaj Svierigis.

Brevvajiedna rájaduvvá dan ladnjaj Svierigin gåsi dån gullu. Válljimlanján jiednakårttå sieraduvvá válljimkuveras. Válljimkuverra biejaduvvá dan maŋŋela jienastimlihttáj aktan ietjá jienaj, sämmiláhkaj nåv gåk dån lidji jienastam válljimlanján.

Vihtana

Brevvajienastit de dån dárbaha guokta vihtana gudi li ållim 18 jage.Vihtana e hähttu årrot Svieriga viesajdiddje.

Vihtana galggi duodastit brevvajiedna l riejddiduvvam riektaláhkáj gå dievddi ietjasa diedojt ålgoldiskuveran. Jus vihtanijn älla svieriga ulmusjnummara de sij dan sadjáj máhtti tjállet ietjasa riegadimbiejvijt. Le ájnas vihtana tjálli ietjasa diedojt tjielggasit vaj jiedna ij dåhkkiduvá.

Válljimsiedil

Ábnnasin gávnnu guoros válljimsiedil. Dån máhtá dan nali tjállet namáv belludahkaj ja aj dan kandidáhttaj gesi dån sidá jienastit jus dån sidá almasjjienastit. Huomaha tjállet tjielggasit.

Mer information om personröstning, partier och kandidater finns på svenska

Jienstimriektá ja jienastimkårttå

Jus dujna l jienastimriektá de dån gávnnu jienastimlågon ja oattjo jienastimkårtåv.

Dujna l jienastimriektá jus dån la svieriga viesajdiddje ja jali l årrum almmmuktjáledum Svierigin. Dujna l aj jienastimriektá jus dån la viesajdiddje EU:a sebrulasjrijkajs muhtemin, la álmmuktjáledum Svierigin ja l diededam ietjat svieriga jienastimlåhkuj.

Svieriga viesajdiddje gudi li álmmuktjáledum Svierigin automáhtalattjat registarduvvi jienastimlågon. EU:a-viesajdiddje gut sihtá registreriduvvat svieriga jienastimlågon hähttu diededit ietjas lenastivrraj maŋemusát 30 biejve válljimbiejve åvddåla.

Huomaha:

• Dån galga ållim 18 jage maŋemusát válljimbiejve.
• Ulmutjin gut ij la goassak årrum álmmuktjáledum Svierigin ij la jienastimriektá.
• Dån gut la svierikålggorijkak ja åro ietjá EU:a-rijkan máhtá válljit dan sadjáj jienastit rijkan gånnå dån åro. Aktavuodav válde de válljimfábmudagájn rijkan gånnå åro diededittjat ietjat jienastimlåhkuj danna. Válljijiddjen dujna l val loahpe jienastit rijkajs avtan vájku dujna l guovtegärddásasj viesátvuohta.