Published: 3 March 2023

Åvddålájgejienastit

Åvddålájgejienastit merkaj dån jienasta ietjá sajen gå ietjat válljimlanján. Máhtá åvddålájgejienastit ietjat kommuvnan jali ietjá kommmuvnan.

Åvddålájgejienastibme álggá bájkoj gålmmå vahko válljimbiejve åvddåla ja l gitta válljimbiejve rádjáj.

Åvddålájgejienastittjat hähttu maŋŋáj válldet ietjat jienastimkårtåv ja duodastuskårtåv.

Návti jienasta válljimin rijkkabäjvváj, kommuvnna- ja dajvvaj

  1. Vállji válljimsiedilijt
  2. Válde válljimkuverav
  3. Maná válljimsjerma duohkáj ja gárvvi ietjat jienav. Ruossi kandidáhttaj válljimsiedilin jus sidá sierra ulmutjij jienastit.
  4. Guode ietjat válljimkuverav, ietjat jienastimkårtåv ja ietjat duodastuskårtåv jiednaduostudiddjáj.
  5. Jiednaduostudiddje gehtjat duv identitehtav ja tjáles dån la jienastam.
  6. Jiednaduostudiddje biedjá válljimkuverajt ja jienastimkårtåv vinndekkuveraj. Vinndekkuvera dabbmiduvvá ja tjoahkkimlådaj biejaduvvá.

Jus dån i gávna belludagá válljimsiedilav masi ájgo jienastit?

Válde guoros válljimsiedilav ja tjále belludagá namáv dasi. Máhtá aj sierra ulmutjij jienastit gå tjálá belludagá namáv ja namáv kandidáhttaj masi sidá jienastit.

Jus dujna l belludakválljimsiedil de tjále kandidáhta namáv dasi.

Bieja maŋŋela válljimsiedilav juohkka kuveraj ja måskosta válljimkuverajt.

Návti åvddålájgejienasta válljimin Europaparlamänntaj

  1. Vállji válljimsiedilav.
  2. Válde kuverav.
  3. Maná válljimsjerma duohkáj ja gárvvi ietjat jienav. Ruossi kandidáhttaj válljimsiedilin jus sidá sierra ulmutjij jienastit,
  4. Guode ietjat valljimkuverav, ietjat jienastimkårtåv ja ietjat duodastuskårtåv jiednaduostudiddjáj.
  5. Jiednaduostudiddje gehtjat duv identitehtav ja tjáles dån la jienastam.
  6. Jiednaduostudiddje biedjá válljimkuverav ja jienastimkårtåv vinndekkuveraj. Vinndekkuverra dabbmiduvvá ja biejáduvvá tjoahkkimlådaj.

Jus dån i gávná belludagá válljimsiedilav masi sidá jienastit?

Válde guoros válljimsiedilav ja tjále belludagá namáv dasi. Máhtá aj sierra ulmutjij jienastit gå tjála belludagá namáv ja namáv kandidáhttaj masi sidá jienastit.

Duv jiednakårttå ja válljimkuvera rájaduvvá ietjat válljimladnjaj

Lanján åvddålájgejienastibmáj ij gávnnu jienastimlåhko mierkkitjit dån la jienastam. Duv válljimkuvera rájaduvvi danen aktan jienastimkårtåjn ietjat válljimladnjaj válljimbiejve.

Válljimlanján mierkkiduvá jienastimlågon ja jienastimkårttå sieraduvvá válljimkuveras jali válljimkuverajs.

Merkaj duv válljimkuvera e tjanáduvá duv jienastimkårtåjn gå jiena riekkniduvvi.