Published: 10 March 2023

Ovdagihtiijienasteapm

Ovdagihtiijienasteapmi mearkkaša ahte don jienastat juoga eará sajis go iežat válgalanjas.

Don sáhtát ovdagihtiijienastit iežat gielddas dehe eará gielddas.

Ovdagihtiijienasteapmi álgá sullii golbma vahku ovdal válgabeaivvi ja bistá gitta válgabeaieahkedii.

Ovdagihtiijienasteapmái dus ferte leahkit mielde iežat jienastangoarta ja id-duođaštus.

Ná ovdajienastat válgabeaivvi riikkabeaivve, gieldda- ja regiovdnaválggain

  1. Vállje válgalihpuid.
  2. Váldde válgakonfeluhtaid.
  3. Mana válgašearpma duohkái ja ordne iežat jiena. Bija ruossa evttohassii válgalihpus jus háliidat persovdnajienastit.
  4. Guođe iežat válgakonfeluhtaid ja iežat id-duođaštusa jienaidvuostáváldái.
  5. Jienaidvuostáváldi dárkkista du identitehta, merke ahte leat jienastan ja bidjá loahpas válgakonfeluhta válgaurtnaide.
  6. Jienastanvuostáváldi bidjá válgakonfeluhta ja jienastangoartta lásekonfeluhttii. Lásekonfeluhtta liibmejuvvo gitta ja biddjo čohkkenlođái.

Jus it gávnna iežat bellodaga válgalihpu?

Váldde guoros válgalihpu ja čále bellodaga nama dasa. Don sáhtát maid persovdnajienastit čállimiin bellodatnama ja dan evttohasa nama gean háliidat jienastit.

Bija dasto válgalihpu gullevaš válgakonfeluhttii ja gidde válgakonfeluhta.

Ná ovdajienastat Eurohpá parlameanta válggain

  1. Vállje válgalihpuid.
  2. Váldde válgakonfeluhtaid.
  3. Mana válgašearpma duohkái ja ordne iežat jiena. Bija ruossa evttohassii válgalihpus jus háliidat persovdnajienastit.
  4. Guođe iežat válgakonfeluhtaid ja iežat id-duođaštusa jienaidvuostáváldái.
  5. Jienaidvuostáváldi dárkkista du identitehta, merke ahte leat jienastan.
  6. Jienastanvuostáváldi bidjá válgakonfeluhta ja jienastangoartta lásekonfeluhttii. Lásekonfeluhtta liibmejuvvo gitta ja biddjo čohkkenlođái.

Jus it gávnna iežat bellodaga válgalihpu?

Váldde guoros válgalihpu ja čále bellodaga nama dasa. Don sáhtát maid persovdnajienastit čállimiin bellodatnama ja dan evttohasa nama gean háliidat jienastit.

Bija dasto válgalihpu gullevaš válgakonfeluhttii ja gidde válgakonfeluhta.

Du jienastangoarta ja válgakonfeluhtta sáddejuvvo du válgalatnjii

Ovdagihtiijienastan lanjas ii leat jienastanlistu masa merke ahte leat jienastan.

Du válgakonfeluhtta sáddejuvvo danin ovttas du jienastangoarttain du válgalatnja válgabeaivve.

Válgalanjas du sihkkojuvvo jienastanlisttus ja jienastangoarta sirrejuvvo válgakonfeluhtas dehe válgakonfeluhtain. Dat mearkkaša ahte du válgakonfeluhta ii sáhte čadnojuvvot du jienastangoarttain go jienat rehkenasto.