Te alosares

– alosaripe khaj Europako parlamento kurke 9 juni 2024

Kon šaj te alosarel?

Tut si alosarimasko čačipe te san šveditsko sitizento, si tut perde 18 berš po alosarimasko džes thaj san registrovano ando Švedo.

Šveditska sitizentura khaj si registrovane ando Švedo si automatične ando alosarimasko ginajipe. Te san registrovano ande jekh kaver them trobuj te des tut opre khaj o alosarimasko ginajipe (röstlängden) sako dešto berš. Jekh manuš khaj nas šoxa registrovano ando Švedo či inkrel čačipe te alosarel.

Tut si vi alosarimasko čačipe te san sitizento ande jekh kaver EU them, san registrovano ando Švedo thaj dan tut opre khaj alosarimasko ginajipe. Des tut opre ando länsstyrelsen maj palunes 30 džes angla alosarimasko džes.

Tut khaj si alosarimasko čačipe les jekh alosarimasko lil a počtasa. Alosarimasko lil inkrel informatsia pa čiro alosarimasko čačipe thaj khaj biris te alosares. Te si kade ke naj tut jekh alosarimasko lil biris te manges jekh nevo.

Kade alosares

Čiro alosaripe si garudina thaj naj musaj te phenel kanikaske pe kaste alosares.

Alosarimaske lila so pe sa thana khaj biris te alos. Pe jekh alosaripe khaj Europako parlamento si sa e alosarimaske lila parne. Kana alosares šos o lil ande jekh alosarimaski koperta.

Kana alos si te sikaves jekh identifikatsia. Te si kade ke naj tut identifikatsia birij varikhon kaver te phenel ke tut san tu, feri atunči musaj kodo manuš te sikavel peski identifikatsia.

Te alos pe jekh partia

Tu alos pe jekh partia. Partiako anav skrij pe po alosarimasko paperoši, Te si kade ke či arakhes čira partiako paperoši biris te skris korkori o anav pe jekh užo paperoši.

Alon pe partia thaj po manuš

Te si kade ke kames varikon spesialno anda e partia te avel alome, biris te šos jekh trušul angla kandidatosko anav pe anavesko paperoši. Biris feri te šos trušul pe jekh kandidato. Biris vi te alos pe jekh manuš te skris a partiako anav thaj kandidatosko anav pe jekh užo paperoši.

Angla vramako alosaripe ande čiri vaj kaver komuna

Si sali po angla vramako alosaripe. Tu biris te alosares ande savi sala khaj kames ande intrego them po angla vramako alosaripe. Angla vramako alosaripe lel pe 22 majo ži khaj 9 juni. Musaj te inkres čiro alosarimasko lil kana žas te alosares angla vramako alosaripe, te xasardan o lil biris te manges jekh nevo.

Alosar ande čiri alosarimaski sala po alosarimasko džes 9 juni

Sa alosara si pangle khaj jekh sala. Alosarimaski sala si feri phuterdo po alosarimasko džes. Biris feri te alosares ande kodi sala khaj si skirisardo pe čiri alosarimasko lil.

Alosar anda jekh kaver them

Te san ande jekh kaver them biris te alosares počtasa vaj te keres angla alosaripe ande e but šveditska ambasadi thaj konsulatura. Te si te alosares pa počta musaj te manges jekh spesialno materialo. Trobun tut duj šviatkura khaj si opral 18 berš. Kodo glaso šaj te avel mukhlo anda kaver thema maj sigo data 25 april. Biris te keres angla alosaripe pe ambasadi vaj konsulatura maj sigo 16 majo.

Alosar žutoresa

Tu biris te alosares žutimasa kaverestar te i kade ke san nasvalo, si tut funktsiako teljaripe vaj san phuro thaj či biris te džas korkori te alosares ande čiri alosarimaski sala vaj jekh vaj jekh kaver sala te keres angla alosaripe. Atunči trobuj te manges jekh specialno materialo. O glaso šaj avel kerdo maj sigo 16 majo thaj maj palunes 9 jun.

Tut trobuj jekh žutori thaj jekh šviatko. Sel duj si te aven maj tsera 18 berš thaj naštik te avel kodo jekh manuš vi žutori thaj šviatko. Te si o žutori te del čiro glaso ande angla vramako alosaripe trobuj kodo manuš te lel čiro alosarimasko lil.

Biris vi te alosares žutimasa te si kade ke san astardo thaj bešes ande temlitsa. Birij vijekh gavutno počtari (lantbrevbärare), te trajis kote khaj si jekh kasavi linja.

Kon šaj avel žutori?

O žutori musaj te avel maj tsera 18 beršengo. Kadal manuš šaj aven žutora:

• čiro njamo
• kodo kon lel sama pala tutet haj žutij tut čire personalne bučansa
• kodol khaj keren buči po panglipe thaj temlitsa
• jekh gavutno počtari (lantbrevbärare), te trajis kote khaj si jekh kasavi linja.

Ambulovano alosarimasko than

Ambulovano alosarimasko than si tuke khaj san nasvalo, phuro vaj inkres funktsiako teljaripe thaj či biris korkori te keres angla alosaripe vaj te alosares ande alosarimaski sala. Kana si ambulovano alosarimasko than kerel e komuna kade ke aven duj manuš khaj keren kadalesa buči thaj len čiro glaso kheral. Le kontakto a komunasa pa maj but informatsia.

Pušimata?

Kames te manges materialo, nevo alosarimasko lil vaj si tut pušimata khaj tha jsar te alosares? Le kontakto kusa komunako, ža po www.val.se vaj vorbin po Valupplysningen po telefono 020-825 825 (anda Švedo) vaj +46 (0) 771 270 999 (anda kaver them).