Te alos

– alojimos kaj Evropako parlamento kurko ando 9 juni 2024

Kon shaj alol?

Tu shaj alos te san svedisko lil, aj te pherdilan 18 bershengo på dzes o alojimasko aj te san ramome ando Svedo.

Svedanori kon si ramome ando Svedo len opre automatcij te alos. Tu kan san ramome ande thema trubos te rodes te shaj alos svako deshto bersh. Jekh manush kaj shoha nas ramome ando Svedo naj lenge slobodija te alon.

Tu shaj alos te trajisa ande jekh them kaj si ando EU, numa te aves ramome ando Svedo aj te rodan te shaj alos. Tu shaj rodes kaj regionosko kher 30 dzesa angla o dzes kana si o alojimos.

Tu kaj shaj alos avel tuke karta te alos pe poshta. Pe karta ashel informatcija ke shaj alos aj kaj te zas te alos. Te chi avela tuke karta shaj manges nevi karta.

Gadya alos

So tu alos si garado aj chi trubos te phenes varikaske so tu alos.

Le alojimaske rama si pe le thana khote kaj site alos. Kana alos kaj Evropako parlamento si sa le rama parne. Kana alondan thos e ram ande lil.

Kana alos trubos te sikhaves chiro lil. Te na avela tut lil biril varikon kaver te den pe vasteke ke san tu, numa godo manush mushaj te sikavel opre pesko lil.

Te alos pe jekh partia

Tu alos pe jekh partia. O anav pe partia ashel pe alojimaski ram. Te chi arakhesa e ram pe partia biris te ramos o anav pe jekh blanko ram.

Te alos pe jekh partia aj manush

Te kames jekh specialno kanditato khatar partia te kerdol alojime, biris te thos trushol po anav po kanditato pe ram. Biris vi t ethos ferdi trushol po kandidato. Tu biris vi te alos jekhe manushes ferdi te ramos o anav pe partia aj o anav po kandidato pe blanko ram.

Te alos angla e vramja ande chiri vaj kaver komuna

Si sala te kamesa te alos angla e vramja. Tu shaj alos ande fersavi sala kana alos angla e vramja pe antrego them. Kana shaj alos angla e vramja lel pe 22 majo aj zal zi kaj 9 juni. Mushaj te le tusa e alojimaski karta te alosa angla e vramja, te xasardan la shaj manges nevi.

Te alos ande sala po alojimasko dzes 9 juni

Sa le manush trubon te zan kaj jekh sala. E sala si ferdi puterdi po o dzes kana site alos. Tu shaj ferdi alos khote so ashel pe chiri ram.

Te alos kana san ande thema

Tu te beshesa vaj trajis ande jekh kaver them biris te alos aj te trades pe lil vaj shaj alos angla e vramja pe sveditsko ambassado vaj konsulato.

Te shaj trades pe lil trubol kaver fjalo materialo. Trubol vi duj kan dikhen kana alos aj mushaj lenge te aven 18 bershenge. Kana trades lil khatar jekh kaver them mushaj te avel angla 25 aprilo. Tu biris vi te alos angla e vramja po ambassado vaj konsulato angla 16 majo.

Te trades jekh kaver zeno te alol tuke

Tu biris te trades jekh kaver zeno te alol tuke ke nashtisa pala nasvalimos, vaj te san bango vaj phurimaste chi biris te zas kaj sala vaj kaj sala te alos angla e vramja. Atunchi shaj manges specialno materialo. Sa le rama trubon te aven lasharde angla 16 majo vaj zi kaj 9 juni.

Trubol te avel tut jekh manush aj jekh martivo. Vi le duj maushaj te aven 18 bershenge aj naj slobodija te aven sa jekh manush kaj zan te alol tuke aj martivo. O manush kaj zal te alol tuke ande sala vaj angla e vramja mushaj te avel len e karta.

Tu biris vi trades varikas te san ande temnitsa. Vi te trajisa defjal dur shaj les azutimos khatar o pashtari.

Kon shaj zal ande chiro than?

O manush mushaj te avel 18 bershenge aj shaj avel:

• njamo
• azutori kaj normalno azutil tut svako dzes
• te san bucharno pe jekh temnitsa
• poshtari, te trajisa defjal dur

Ambulatcijako alojimos

Ambulatcijako alojimos si tuke pala nasvalimos, phurimos vaj te san bango kaj chi biris te alos angla e vramja vaj te zas kaj sala te alos. Kana si ambulatcijko alojimos avel duj manus tute khere aj khote shaj alos. Le kontakto kaj chiri komuna aj le maj dur informatcija.

Pushimata ?

Kames te rodes materialo, nevi alojimaski karta vaj si tut pushimata kaj aj kana shaj alos? Le kontakto kaj alojimasko grupa ande komuna, vaj dikh www.val.se vaj mar telefono 020-825 825 (khatar Svedo) vaj +46 (0) 771 270 999 (khatar thema).