Jïenestidh

– veeljeme Europaparlamentese aejlegen ruffien 9.b. 2024

Gie åådtje jïenestidh?

Dov lea reakta jïenestidh jis datne sveerjen staateårroje, 18 jaepieh illeme veeljemebiejjien åvtelen jïh leah vuj lih åålmehtjaalasovveme Sveerjesne.

Sveerjen staateårrojh gïeh åålmehtjaalasovveme Sveerjesne jïjtsistie tjaalasovveme jïenestimmielåhkosne. Jis datne åålmehtjaalasovveme ålkoelaantesne daarpesjh bïeljelh jïenestimmielåhkose fïerhten låhkeden jaepien. Almetje gie ij gåessie gan lea tjaalasovveme Sveerjesne ij leah reakta jïenestidh.

Dov lea aaj reakta jïenestidh jis datne staateårroje muvhtine EU:n lïhtsegelaantine, datne Sveerjesne åålmehtjaalasovveme jïh jïenestimmielåhkose bïeljelamme. Datne bïeljelh leeneståvrose minngemes 30 bijjieh veeljemebiejjien åvtelen.

Datne gïen reakta jïenestidh jïenestimmiekåarhtem påastine åadtjoeh. Jïenestimmiekåarhtesne bïevnesh dov jïenestimmiereaktan bïjre jïh gusnie maahtah jïenestidh. Jis ih dam åådtjeme maahtah orre jïenestimmiekåarhtem dængkodh.

Naemhtie datne jïenesth

Dov veeljeme tjeakoes jïh ih daarpesjh gïese akt jiehtedh mïsse jïenesth.

Veeljemesïetelh gaajhkine sijjine gååvnesieh gusnie maahtah jïenestidh. Veeljemisnie Europaparlamentese gaajhkh veeljemesïetelh veelkes. Gosse jïenesth datne veeljemesïetelem veeljemeskuahpan sïjse.

Gosse jïenesth edtjh id-tjaalaldahkem vuesiehtidh. Jis ij dov naan id-tjaalaldahke maahta mubpie dov identiteetem vihtiestidh, jïh tjuara sov id-tjaalaldahkem vuesiehtidh.

Krirriem jïenestidh

Datne krirriem jïenesth. Krirrien nomme veeljemesïetelisnie tjaaleme. Jis ih dov krirrien veeljemesïetelem gaavnh maahtah krirrien nommem gåaroes veeljemesïetelasse tjaeledh.

Krirriem jïh persovnem jïenestidh

Jis datne sïjhth naan sjïere krirrien kandidaatijste edtja veeljeme sjïdtedh, maahtah kroessem bïejedh ruvtese kandidaaten nommen åvtelen veeljemesïetelisnie. Datne maahtah ajve akte kandidaatem kroessem bïejedh. Maahtah aaj persovnem jïenestidh juktie tjaalah krirrien nommem jïh kandidaaten nommem gåaroes veeljemesïetelasse.

Åvtelhbodti jïenestidh dov jïjtje jallh jeatjah tjïeltesne

Sijjieh gååvnesieh gusnie åvtelbodti jïenestidh. Datne maahtah jïenestidh gusnie akt gusnie åvtelbodti jïenestimmie abpe laantesne. Åvtelhbodti jïenestimmie suehpeden 22.b. raejeste ruffien 9.b. raajan. Datne tjoerh dov jïenestimmiekåarhtem utnedh gosse åvtelhbodti jïenestidh jis dam dasseme maahtah orre kåarhtem åadtjodh.

Dov veeljemesijjesne jïenestidh veeljemebiejjien ruffien 9.b.

Gaajhkh jïenestæjjah veeljemesæjjan govlesuvvieh. Veeljemesijjie ajve ræhpas veeljemebiejjien. Datne maahtah ajve jïenestidh veeljemesijjesne mij dov jïenestimmiekåarhtese tjaaleme.

Ålkoelaanteste jïenestidh

Jis datne ålkoelaantesne årrodh maahtah prievine jïenestidh jallh åvtelhbodti jïenestidh gellie sveerjen ambassaadine jïh konsulaatine. Guktie galkh maehtedh åvtelhbodti jïenestidh tjoerh sjïere materijaalh dængkodh. Datne aaj daarpesjh göökte væhnah gïeh 18 jaepieh illeme. Jïenestimmiem aaremosth voerhtjen 25.b. seedtedh påastine. Maahtah åvtelhbodti jïenestidh ambassaadine jallh konsulaatine aaremosth suehpeden 16.b.

Dïjrine jïenestidh

Datne maahtah dïjrine jïenestidh jis datne skïemtjelassen, funksjovneheaptoen jallh aalteren gaavhtan ih maehtieh jïjtje veeljemesæjjan jallh sæjjan vuelkedh gusnie åvtelhbodti jïenestidh. Dellie tjoerh sjïere materijaalem dængkodh. Jïenestimmiem åådtje öörnedh suehpeden 16.b. raejeste ruffien 9.b. raajan.

Datne dïjreguedtijem jïh væhnam daarpesjh. Gåabpatjahkh tjuerieh 18 jaepieh illeme jïh seamma almetje ij maehtieh dovne dïjreguedtijem jïh væhnam årrodh. Jis dïjreguedtije edtja dov jïenestimmiem sæjjan buektedh gusnie åvtelhbodti jïenestidh dellie tjuara dov jïenestimmiekåarhtem buektedh.

Datne maahtah aaj dïjrine jïenestidh jis datne feengkemisnie jallh kriminaalehoksegåetesne. Aaj jis årroeh laanteprievieguedtijeraajroen mietie laanteprievieguedtijen viehkine.

Gie maahtah dïjreguedtijem årrodh?

Dïjreguedtije tjuara 18 jaepieh illeme. Dïjreguedtije maahta årrodh:

• dov åelie
• dov såjhtere jallh naan gie pråvhka datnem viehkiehtidh persovneles ierine
• barkije feengkemisnie vuj kriminaalehoksegåetesne
• laanteprievieguedtije, jis datne laanteprievieguedtijeraajroen mietie årroeh

Ambuleereme jïenestimmiedåastove

Ambuleereme jïenestimmiedåastove dutnjien gie skïemtjelassen, aalteren jallh funksjovneheaptoen gaavhtan ih jïjtje maehtieh åvtelhbodti jallh veeljemesijjesne jïenestidh. Ambuleereme jïenestimmiedåastovisnie dov tjïelte öörnie guktie göökte jïenestimmiedåastojh dov gåajkoe båetieh jïh dov jïenestimmiem dåastoeh. Bïeljelh dov tjïeltem jis sïjhth vielie bïevnesh.

Gyhtjelassh?

Jis sïjhth materijaalem, orre jïenestimmiekåarhtem dængkodh jallh sïjhth gihtjedh gusnie jïh guktie maahtah jïenestidh? Bïeljelh tjïelten veeljememoenehtsem, gïehtjh www.se jallh ringkh Valupplysningen telefone 020-825 825 (Sveerjesne) jallh +46 (0) 771 270 999 (ålkoelaanteste).