Jienastit

– válggat Eurohpáparlamentii sotnabeaivvi geassemánu 9:t beaivvi 2024.

Gii ožžo jienastit?

Dus lea jienastanriekti jus don leat ruoŧa ássi, leat deavdán 18 jagi maŋemusat válgabeaivvi ja leat dahje leat leamaš álbmotčálihuvvon Ruoŧas.

Ruoŧa ássit geat leat álbmotčálihuvvon Ruoŧas váldot mielde jienastanlohkui automáhtalaččat. Jus leat álbmotčálihuvvon olgoriikkas de dárbbahat dieđihit iežat jienastuslohkui juohke logát jagi. Olmmoš guhte ii goassige lea leamaš álbmotčálihuvvon Ruoŧas ii leat jienastanriekti.

Dus lea maid jienastanriekti jus don leat ássi soames EO:a miellahttoriikkain, leat álbmotcálihuvvon Ruoŧas ja leat dieđihan iežat jienastuslohkui. Don ilmmuhat iežat leanastivrii maŋemusat 30 beaivvi ovdal válgabeaivvi.

Dus guhte lea jienastanriekti oaččut jienastangoartta boasttain. Jienastangoarta sisdoallá dieđuid du jienastanrievtti birra ja gos don sáhtát jienastit. Jus don váillahat iežat jienastangoartta de sáhtát diŋgot ođđa.

Ná jienastat

Du jienasteapmi lea čiegus ja don it dárbbat muitalit geasge masa jienastat.

Jienastanlihput gávdnojit visot sajiin gos sáhtát jienastit. Válggas Eurohpáparlamentii visot jienastanlihput leat vielgat. Go jienastat de bijat ovtta jienastanlihpu jienastanreiveolggožii.

Go jienastat de galggat vuosehit id-duođaštusa. Jus váillahat ID-duođaštusa de okta iežá olmmoš sáhttá duođaštit du identitehta, muhto dalle dat olmmoš ferte vuosehit iežas ID-duođaštusa.

Jienastit bellodaga

Don jienastat ovtta bellodaga. Bellodaga namma čužžo jienastanlihpus. Jus don it gávnna du bellodaga jienastanlihpu de sáhtát čállit bellodaga nama guorus jienastanlihppui.

Jienastit bellodaga ja olbmo

Jus don háliidat ahte soames erenoamáš bellodaga evttohasain galgá válljejuvvot, de sáhtát bidjat ruossa ruvttá evttohasa nama ovddas jienastanlihpus. Don sáhtát dušše merket ovtta evttohasa. Don sáhtát maid persovdnajienastit jus čálát bellodaga nama ja evttohasa nama guorus jienastanlihppui.

Jienas ovdagihtii du iežat dahje eará gielddas

Gávdnojit sajit ovdagihtiijienasteapmái. Don sáhtát álot jienastit váikko makkár sajis ovdagihtiijienasteapmái miehtá riikka. Ovdagihtiijienasteapmi álgá miessemánu 22 beaivvi ja bistá gitta geassemánu 9 beaivvi. Don dárbbahat iežat jienastangoartta go jienastat ovdagithii, jus leat láhppán dan de sáhtát oažžut ođđa.

Jienas iežat válgalanjas válgabeaivvis geassemánu 9:t beaivvi

Visot jienasteaddjit gullojit ovtta válgalatnjii. Válgalatnja lea dušše rabas válgabeaivvi. Don sáhtát beare jienastit dan válgalanjas mii čužžo du jienastangoarttas.

Jienastit olgoriikkas

Jus orut dahje leat olgoriikkas de sáhtát jienastit reivve bokte dahje ovdagihtii jienastit máŋggaid ruoŧa ambassádain dahje konsuláhtain. Reivejienasteapmái dárbbahat diŋgot sierra materiála. Don dárbbahat maid guokte vihttána mat leaba deavdán 18 jagi. Jietna ožžo sáddejuvvot olgoriikkas áramusat cuoŋománu 25 beaivvi. Don sáhtát jienastit ovdagihtii ambassádain dahje konsuláhtain áramusat miessemánu 16 beaivvi.

Jienas sáttaolbmuin

Don sáhtát jienastit áirasa bokte skibasvuođa, doaibmahehttehusa dahje jus agi dihte it ieš beasa válgalatnjii dahje latnjii ovdagihtiijienasteapmái. Dalle dárbbahat diŋgot sierra materiála. Jiena ožžo válbmet áramusat miessemánu 16:t beaivvi ja maŋemusat geassemánu 9:t beaivvi.

Don dárbbahat áirasa ja ovtta vihttánasa. Goappašagat galgaba deavdán 18 jagi ja ii oačču leat seammá olmmoš gii lea sihke áirras ja vihttán. Jus áirras galgá guođđit du jiena latnjii ovdagihtiijienasteapmái de son dárbbaha váldit mielde du jienastangoartta.

Don sáhtát maid jienastit áirasiin jus don leat fáŋgalis dahje vearredahkudikšunlágádusas. Dasa lassin don guhte orut dálonreivveguoddilinjjá mielde áirrasjienastat reiveguoddi vehkiin.

Gii sáhttá leat áirras?

Áirras ferte leat unnimus 18 jagi. Áirras ožžo leat:

• du lagasolmmoš
• du fuolaheaddji dahje soamis guhte láve veahkehit du persovnnalaš dárbbuiguin
• fáŋgala dehe vearredahkudikšunásahusa bargi.
• dálonreiveguoddi, jus don leat dálonreivveguoddilinjjá mielde.
  

Johtti jienavuostáiváldi

Johtti jienavuostáiváldi lea dutnje guhte skihpavuođa, agi dahje doaibmahehttehusa dihte it ieš sáhte mannat ovdagithiijienastit dahje jienastit válgalanjas. Johtti jienavuostáiváldin du gielda ordne nu ahte guokte jienavuostáiváldi boahtiba du lusa ja váldiba vuostá du jiena. Váldde oktavuođa du gielddain eanet dieđuid oažžut.

Jearaldagat?

Háliidat go diŋgot materiála, ođđa jienastangoartta dahje leat jearaldagat gos ja got sáhtát jienastit? Váldde oktavuođa gieldda válgalávdgottiin, mana siiddui www.val.se dahje riŋge Válgačuvgehussii telefovdna 020-825 825 (Ruoŧas) dahje +46 (0) 771 270 999 (olgoriikkas).