Alosaripe

– Alosaripe vash o/ando Europako Parlamento 2024 Juniushi 9-to dyives, Kurkes

Kon shaj alosarel?

Si tut shaipe te alosares ando Shvedo te zhuves, nachilan 18 bershengo/i pe agorutno elekciako dyives thaj sanas vaj san registrime ando Shvedo.

Le manusha kon registrime si ando Shvedo automatikalnes ande elekciako registracia si. Ando kaver them te san registrime, sako desh bersh si te keres nevi registracia. O manush kon nish jekhvar na sas registrime ando Shvedo, naj les hakaj te alosarel.

Si tut hakaj te alosares ando EU them te zhuves, ando Shvedo si tut registracia thaj kerdan registracia te alosares. Si te keres registracia ande thaneski administraciaki komisia 30 dyivesenca maj anglal sar e elekciako dyives.

Kas si shaipe te alosarel, xutrela jekh elekciako lil pe poshta. E elekciako lil sikavel e informacia pala tyire hakaja thaj pala sar zhanes te alosares. Te xasares tyiri elekciaki karta shaj manges jekh nevi.

Kade shaj alosares

Tyiro alosaripo numa/feri tu zhanes, na trubul te phenes khanikaske kas alosardan.

Elekciake lila shaj rakhes pe thana kaj alosares. Po alosaripo ando Europako Parlamento sa le elekciake lila parne si.

Kana alosardan, o lil ando envelopo shuves. Kana alosares, si te sikaves tyiri identitetaki karta. Te naj ke tute e identitetaki karta, jekh kaver manush shaj chachisarel tyiri identiteta, ama/ba kodo manush si te sikavel peski identitetaki karta.

Alosar jekh parto/politikako grupo

Jekh parto alosares. E partesko anav pe elekciako lil si. Te na rakhes e elekciako lil, shaj iskiris/pishines e partesko anav po lil.

Alosar jekh parto thaj manushes

Te kames te alosares jekh manushes andar e politikako grupo shaj keres jekh cheko angla le manushesko anav pe elekciako lil. Numa/feri jekh manushes shaj alosares. Vi kade shaj alosares te iskiris/pishines o anav le grupesko thaj manushesko pe jekh shusho elekciako lil.

Alosaripe maj sigo ande tyiri vaj ande kaver municipaliteta

Le sama pe butja kana maj sigo alosares. Sa ando them shaj alosares maj sigo. Po 22-to dyives ando Majo lel pes e elekcia so maj sigo si thaj ko 9-to dyives agordyol ando Juni. Ke tute si te avel tyiri elekciaki karta, te xasardan la, shaj manges kaver.

Alosar pe tyiro elekciako than pe elekciako dyives, 9-to Juniushi

Sa le manushen kon alosaren, si jekh elekciako than. Kado than numa/feri pe elekciako than si puterdo. Numa/feri pe elekciako than shaj alosares tyire elekciaki kartasa.

Alosar andar jekh kaver them

Ande jekh kaver them te san vaj zhuves, shaj alosares po mail vaj shaj alosares maj sigo pe bute Shvedikane embasii thaj konsulati. Te zhanes te alosares po mail, si te manges specialne materiali. Si te avel tut duj manusha maj phure sar 18 bersha sar vitnesura. Tyiro alosaripe shaj bichares kathar o 25-to dyives April. Shaj alosares pe embasii thaj konsulati kathar o 16-to dyives Majo.

Bichar tyo alosaripo jekh kaver manushesa

Te nasvalo/i, phuro/i san thaj na zhanes te zhas pe tyiro elekciako than vaj na zhanes maj sigo te alosares, shaj bichares tyo alosaripo jekh kaver manushesa. Si te manges specialno materiali. Tyo alosaripe shaj bichares mashkar o 16-to Majo thaj 9-to Juniushi.

Si te avel tut jekh manush kasa bichares tyo alosaripe thaj jekh vitneso. Sol duj zhene maj phure si te aven sar 18 bersha thaj kasa trades naj slobodo voj te avel o vitneso. Kasa trades tyo alosaripe si te ingrel pesa tyiri elekciaki karta.

Shaj bichares tyo alosaripe ande robia te san vaj ande kaver institucia kathar naj slobodo avri te aves. Ando gav te zhuves shaj zhutil tuke vi o poshtako manush te alosares.

Kon shaj avel jekh manush kasa shaj traden o alosaripe?

O manush si te avel maj phuro sar 18 bersha. O manush shaj avel:

• ande tyiri familia
• kon losarel pe tute vaj zhutinel ande tyire personalne butya
• butjari ande robia vaj kaver institucia kaj san
• gavesko poshtashi, ando gav te zhuves.

Ambulaciako alosaripe

Ambulaciako alosaripe shaj manges te nasvalo/i, phuro/i san thaj na zhanes te alosares maj sigo vaj pe tyiro alosaripesko than. Ande kadi situcacia e municipaliteta duje manushen bicharel ke tute thaj len tyiro alosaripe. Push tyiri municipaliteta.

Pushipe?

Kames te manges materiali, nevi elekciaki karta vaj si tut pushipe kaj thaj sar te alosares? Push e municipalitetaki elekciaki komisia po www.val.se vaj akhar o Valupplysningen po 020-825 825 numero (andar o Shvedo) vaj o +46 (0) 771 270 999 numero (andar kaver thema).