Till startsidan

Åvtelhbodti tjaatsestidh

Ingress

Veeljememoenehtsen dïedte aaj åvtelhbodti tjaatsestimmiem tjïeltesne. Sijjie gusnie veeljijh maehtieh åvtelhbodti tjaatsestidh tjaatsestimmiesijjiem gohtje. Veeljememoenehtsen dïedte aaj tjaatsestimmiedåastojh öörnedh tjaatsestimmiesijjine. Gaajhkide tjaatsestimmiesijjide edtjieh svihtjemeheaptoen persovnh maehtedh båetedh.

Veeljijh naan sjïekenistie eah maehtieh sov veeljemesijjesne tjaatsestidh veeljemebiejjesne maehtieh åvtelhbodti tjaatsestidh veeljemesijjesne gåabph akt laantesne. Åvtelhbodti tjaatsestimmie aalka 18 biejjieh veeljemebiejjien åvteli jïh veeljemebeajjan jåhta. Aaj unnemes akte tjaatsestimmiesijjie gaahpode veeljemebiejjien fïerhtene tjïeltesne.

Sjïere skïemtjegåetine jïh jeatjah hoksesijjine veeljememoenehtse öörnie tjaatsestimmiedåastovem dejtie veeljijidie maam sijhtieh desnie tjaatsestidh, v.g skïemtjijh, barkijh jïh guessieh.

Åvtelhbodti tjaatsestimmesne dellie dah tjaatsestimmiedåastojh tjaatsestimmide gïetedieh jïh sjïere klaasegaptjesinie veeljememoenehtsasse seedtieh. Dïhte mij tjaatsestimmiesijjesne tjaatseste tjuara tjaatsestimmiekåarhtem åtna jïh maahta ID-kåarhtem vuesehte jallh jeatjah vuekine sov identiteetem vihteste.