Publicerad: 7 maj 2021

Jienastit bellodaga ja evttohasa Sámediggeválggas

Juohke bellodagas válggas leat jienastanlihput gos visot evttohasat leat. Don sáhtát jienastit ovtta bellodaga ja maid ovtta evttohasa, muhto dan evttohasa ferte merket.

Jienastanlihpus lea bellodaga namma ja evttohaslisttut

Sámediggeválggas joavkkut, bellodagat ja sullasaš ovttastusat sáhttet ilmmuhit ahte sii leat válljehahttit válggas. Sii namuhuvvot dás bellodagan.

Geahča makkár bellodagaid ja evttohasaid don sáhtát jienastitlänk till annan webbplats

Jienastanlihput mas lea bellodaga namat ja evttohaslisttut deddejuvvot ja sáddejuvvot jienastanbáikkiidde. Sus geas lea jienastanvuoigatvuohta oažžu boastta mielde jienastangoartta ja maid visot bellodagaid jienastanlihpuid.

Jienastit bellodaga, muhto ii evttohasa

Jus háliidat beare jienastit ovtta bellodaga de válddát jienastanlihpu mas lea bellodaga namma. Ale merke ovttage evttohasa.

Jienastit evttohasa

Don sáhtát maid merket ovtta evttohasa nama jienastanlihpus. Don sáhtát beare jienastit ovtta evttohasa ja it oaččo sáhcut eret ovttage evttohasa jienastanlihpus. Don it sáhtege čállit eanet evttohasaid jienastanlihppui.

Manin eai gávdno guoros jienastanlihput?

Go leat Sámediggeválggat de visot bellodagat ja evttohasat leat ilmmuhuvvon ovdagihtii ja dat mearkaša ahte juohke bellodaga evttohaslisttut leat juo jienastanlihpuin ja válmmas jienastanlihput leat juo juohke jienastanbáikkis. Jienastanlihput sáddejuvvot maid boastta mielde ruoktot jienasteaddjjidde. Dán ládje ii leat dárbu ordnet guoros jienastanlihpuid. 

Álmmolaš válggas de jienasteaddjit sáhtet čállit bellodaga ja evttohasa namaid daid guoros jienastanlihpuidde jus sii eai gávnná njuolga jienastanlihpu.

Val och folkomröstningar