Publicerad: 7 maj 2021
Krirriem jïh persovnem tjaatsestidh veeljemisnie Saemiedægkan
Gååvnesieh veeljemesïetelh kandidaatigujmie fïerhtese krirride mah meatan veeljemisnie. Lissine krirriem tjaatsestidh maahtah aaj persovnem tjaatsestidh kandidaatese kroessem bïejedh
Veeljemesïetelinie krirriej nommh jïh kandidaatelæstoeh
Veeljemisnie Saemiedægkan maehtieh dåehkieh, krirrieh jïh plearoeh aktanimmieh meatan årrodh. Daesnie dejtie krirrieh gohtje.
Vuejnieh mah krirrieh jïh kandidaath mejtie datne maahtah tjaatsestidh
Veeljemesïetelh krirriej nommigujmie jïh kandidaatelæstoeh trygkede jïh veeljemesavkide buakta. Gaajhki krirriej veeljemesïetelh seedtie aaj gåatan dejtie gïeh åadtjodh tjaatsestidh tjaatsestimmiekåarhtine.
Krirriem tjaatsestidh bielelen persovnem tjaatsestidh
Sïjhth datne ajve krirriem tjaatsestidh vaeltieh dellie veeljemesïetelem krirrien nommine jïh ih kroessem kandidaatese bïejh.
Persovnem tjaatsestidh
Maahtah persovnem tjaatsestidh gosse kroessem bïejedh kandidaaten nommen uvte veeljemesïetelisnie. Maahtah ajve akte kandidaatem kroessedh jïh ih maehtieh kandidaatem sliejhtedh. Ij maehtieh gænnah jienebe kandidaath veeljemesïetelasse tjaeledh.
Mannasinie eah gåaroes veeljemesïetelh gååvnesh?
Veeljemisnie Saemiedægkan leah gaajhkh krirrieh jïh kandidaath åvtelbodti bæjhkoehtamme jïh veeljemesïetelh kandidaatelæstojne gaajhkide krirride gååvnesieh gaajhkene veeljemesavkine. Veeljemesïetelh aaj gåatan veeljijidie seedtie. Dïhte dan gaavhtan ij daarpesjh gåaroes veeljemesïetelh.
Dah gåaroes veeljemesïetelh byjjes veeljemisnie gååvnesieh dan gaavhtan veeljije edtja maehtedh krirrien- jïh kandidaati nommh dïsse jïh ij veeljije gaavnh reaktoe veeljemesïetelem.