Publicerad: 15 januari 2021

Jienastit Sámediggeválggas

Don sáhtát jienastit guovttiládje Sámediggeválggas, 16át beaivvi miessemánus 2021. Don sáhtát válgabeaivvi jienastit jienastanbáikkis dahje jienastit reivve bokte Ruoŧas dahje olgoriikkas.

Jienastit reivve bokte Ruoŧas dahje olgoriikas

Válgaeiseváldi sádde válgabáhpiriid ja jienastangoartta boastta mielde sulli mánu ovdal válggaid. Buohkat geas lea jienastanvuoigatvuohta ja leat mielde dan loahpalaš jienastuslogus ožžot dán reivve Válgaeiseválddis.

Dán reivves lea jienastangoartta, jienastanlihput, jienastankonvoluhta, konvoluhta ja diehtu dunnje got don dagat go galggat jienastit.

Dakkaviđe go oaččut dan reivve de sáhtát jienastit reivve bokte. Nu ahte du jienastat ii hilgoduvvo de fertet sáddet du jiena maŋimusat válgabeaivvi.

Jus leat olgoriikas de don fertet sáddet du jiena áiggil, nu ahte du jienastat olle jienastanlohkamii. Jienastanlohkan álggahuvvo 24át beaivvi miessemánus.

Don dárbbašat válgabáhpiriid ja maid guokte vihtana, geat leaba badjel 18 jagi. Soai galgaba vihtanastit ahte don leat jienastan ieš. Soai galgaba leahkit mielde go bijat jienastaga jienastankonvoluhtii, muhto don it dárbbaš vuosehit maid don jienastat.

Jus háliidat beassat jienastuslohkui de fertet ollašuhtit daid

Jus dus lea doaibmahehttehus dahje sullasaš ágga mii dagaha ahte don it ieš sáhtte válbmet du jienastaga, de don sáhtát sihtat ovtta vihtaniin dahje soamis eará olbmo du veahkehit.

Jus lea dárbu de son oažžu omd veahkehit du merket ovtta evttohasa jienastanlihpus ja bidjat jienastanlihpu jienastankonvoluhtii.

Jienastit jienastanbáikkis válgabeaivvi

Jienastanbáikkit gávdnojit máŋga sierra báikkiin Ruoŧas. Válgabeaivvi 16át beaivvi miessemánus dus lea vejolašvuohta jienastit man jienastanbáikkis don háliidat. Jienastanbáikkit rahpet dii. 8.00 ja giddejit dii.20.00.

Válgalanjat leat čuovvovaš báikkiin

Válgalanjat leat čuovvovaš báikkiin:

Gávpot/báikegoddi

Báiki

Gárasavvon

Sarvegoddeviessu, Laestadiusvägen 81

Badje Sohppar

Bajit Sohppara skuvla - falqstallanhálla

Bájil

Gamla Sporthallens Dagcentra, Medborgarvägen 5

Giron

Sámedikki hálddahus, Adolf Hedinsvägen 58

Jiellevárre

Ávki, Malmbergsvägen 4

Jåhkåmåhkke

Sparbankssalen, Ája-huset , Lärargatan 2-4

Julevu

Kulturviessu, Skeppsbrogatan 17

Bihtán

Girkoguovddáš, Piteå församling Nygatan 23

Syöldate

Stadshuset Brinken, Trädgårdsgatan 6

Árjjatluovvi

Medborgarhuset, Strömvägen 23 A

Árvvesjávrrie

Arvasgården, Lappstadsgatan 7

Máláge

Församlingshemmet, Kyrkogatan 3

Suorssá

Folkets hus, Stationsgatan 16

Deardná

Deardná samservice, V:a strandvägen 11

Vualtjere

Tingshuset/turistbyrån, Tingsgatan 1

Liksjuo

Entrehuset, Gammplatsen

Ubmi

Tráhppie, Gammlia, Helena Elisabeths väg 4

Straejmie

Folkets Hus, Ramselevägen 6

Staare

Gaaltije – sydsamiskt kulturcentrum, Köpmangatan 58

Bienjedaelie

Funäsdalens skola, Skolbacken

Orrestaare

Stadshuset Kronan, Järnvägsgatan 6

Sjädtavaellie

Kulturmagasinet, Packhusgatan 4

Stuehkie

Hyresgästlokalen, Åsögatan 79, bv

Göteborg

Sámesearvvi lanjain Göteborgas, Riksdalersgatan 29

Váldde mielde identiteahta duođastuša ja jienastangoartta

Jus don galggat jienastit jienastanbáikkis válgabeaivvi de don dárbbašat váldit mielde identiteahta duođastusa ja jienastangoartta.

Jus dus ii leat identiteahta duođastus de soamis sáhttá duođastit du identiteahtta, muhto son ferte de vuosehit iežas identiteahta duođastusa.

  • Jus don vajálduhtat dahje láhpát jienastangoartta de don sáhtát oažžut ođđa jienastangoartta jietnavuostávaldis. Jienastanbáikkis leat eanet jienastankonvoluhttat ja jienastanlihput.
  • Jietnavuostáiváldi sádde du jienastaga ja jienastangoartta Norrbottena leanastivrii. Doppe sii merkejit jienastuslohkui ahte leat jienastan ja lohket du jienastaga.

Na jienastat jienastanbáikkis

  1. Don oaččut jienastankonvoluhtta jietnavuostáiváldis.
  2. Don manat jienastanloavkui ja bijat du jiena jienastankonvoluhttii.
  3. Don attát du jienastankonvoluhte, jienastangoartta ja identiteahta duođastusa jietnavuostáiváldii.
  4. Jietnavuostáiváldit dárkkistit ahte don leat jienastan njuolgaládje ja čállet válgaáššegirjái ahte don leat jienastan. De jietnavuostáiváldi bidjá jienastankonvoluhta jienastangoartta sisa ja gidde dan. Du jietna bidjo ovtta lođái, gos visot jienat leat.

Jus dárbbašat veahki jienastit jienastanbáikkis

Jus dus lea doaibmahehttehus dahje sullasaš ágga mii dagaha ahte don it ieš sáhte jienastit de don sáhtát sihtat soapmasa veahkehit du jienastanloavkkus.

Jus lea dárbu de son oažžu omd veahkehit du merket evttohas jietnalihpus ja maid bidjat jienastanlihpu jienastankonvoluhtii.

Don mearridat ieš gii du galgá veahkehit muhto don sáhtát maid sihtat jietnavuostáiváldi veahkehit du. Jietnavuostáiváldis lea jávohisgeatnegasvuohta ja dat mearkaša ahte son ii oaččo muitalit geasage maid don leat jienastan.

Val och folkomröstningar