Publicerad: 23 november 2020

Ájrrasa ja sadjásattja

Dánna gávnnu diededibme gåktu ájrrasa ja sadjásattja nammaduvvi Sámedikken.

Juohkka mandáhttaj Sámedikken majt juohkusa, belludagá ja dakkir lihto l oadjum de Lenastivrra nammat ájrrasav. Lenastivvra dan maŋŋela nammat sadjásattjav ájrrasijda.

Ájrrasa

Vuostatjin almasjjiena mierredi

Vuostatjin almasjjiena mierredi makkir kandidáhta válljiduvvi.

Rávkalvis, d.j. rádje, válljiduvátjit almasjjienajda l gå kandidáhtta galggá binnemusát 5 procenta belludagá ålles jienajs oadtjum, valla binnemusát 25 almasjjiena.

Jus kandidáhttanamma gávnnu moatten listan sämmi belludahkaj de almasjjiena riekkniduvvi aktan umasse listajs.

Gejs li bessam rádjáj la kandidáhtta gut la oadtjum ienemus almasjjienajt gut oadtju belludagá vuostasj mandáhtav, ulmusj binnep almassjjienaj oadtju nuppev mandáhtav, ja nåv vil.

Jus moadda kandidáhta li oadtjum avta edna jienajt de lenastivrra vuorbbát sijá gaskan.

Jus belludak la oadtjum ienep mandáhtajt gå kandidáhta gudi li bessam rádjáj almasjjienajda de aneduvvá nåv gåhtjodum ålleslåhkovuohke (gehtja vuollelin) gå bátsidis ájrrasa nammaduvvi.

Nuppádin válljidum ålleslåhkovuogijn viehkken

Ålleslåhkovuohke l vuohke nammadittjat ájrrasijt gudi älla válljidum almasjjienaj.

Ålleslåhkovuohke merkaj válljimsiedila ásaduvvi makkir kandidáhttanamma l bajemusán ienemus valljimsiedilijn. Vieleduvvi kandidáhtajs gudi nammaduvvi ájrrasijda almasjjienaj viehkken.

Jus belludagán la val akta lissta de mándáhta ajtu manni kandidáhtajda vuoron gåk li tjáledum listan.

Jus belludagán li moadda lista de riekknim sjaddá ajnnasabbo. Riekknimvuorro dagáduvvá juohkka mandáhttaj mij nammaduvvá. Juohkka vuoro maŋŋela vieleduvvá válljidum kandidáhttá ja tjuolldi válljimsiedilijt ådåsis bajemus namá milta.

Ådå buohtastahttemlåhko riekkniduvvi nammaj listan gånnå namma mij oattjoj mandáhtav lij tjáledum. Ietjá kandidáhtajn gudi li tjáledum bajemusán la buohtastahttemlåhko ájmon. Namájn alemus buohtastahttemlågojn vatteduvvá boahtte mandáhtta.

Ja nåvti joarkká riekknim desik gájkka mánahta li nammaduvvam. Sämmi buohtastahttemlågon guovte jali moatte kandidáhtaj gaskan de sadje vuorbbáduvvá sijáj gaskan.

Sadjásattja

Sadjásasj la ulmusj gen vuorro l válljiduvvat ájrrasin jus ájras luluj hiejttet mandáhttaájgen.

Juohkka ájrrasij galggi avta edna sadjásattja nammaduvvat majt belludak la mandáhtajt oadtjum. Valla agev galggá binnemusát gålmmå sadjásattja nammaduvvat vajku belludak la binnep mandáhtajt gå gålmmå. Sadjásasj máhttá årrot sadjásasj moatte ájrrasijda.

Vuostatjin nammaduvi kandidáhta gudi li bessam rájdjáj almasjjienajda sadjásattajda. Riekknima dagáduvvi de sämmiláhkáj gå ájrrasa nammaduvvi almasjjienjaj, gehtja badjelin.

Nuppádin nammaduvvá kandidáhtta gut la jur válljidum ájrrasa maŋŋela listan. Ienemusát sadjásattja nammaduvvi dán láhkáj, danen gå kandidáhta gudi li bessam rádjáj almasjjienajda ienemusát juo li ájrrasin sjaddam.

Riekknimbuojkulvis- gåktu ájrrasa ja sadjásattja nammaduvvi

X belludagán lidjin válljimin guokta lista kandidáhtaj, nr 00100 ja nr 00200.

X belludak oattjoj aktan 410 jiena. Vattij gålmmå mandáhta. Jiena juogaduvvin guovte umasse listajn návti:

Gåvå vuosedi lågev bajemus namá listajn.

Válljimsiedil lisstaValsedel lista 00100 – 151 jiena

  1. Anders Andersson
  2. Björn Baer
  3. Carl Calais
  4. David Denson
  5. Eva Erlandsson
  6. Fia Fjällman
  7. Gerd Gunnarsson
  8. Helena Harnek
  9. Inga Ingelson
  10. John Jansson

Válljimsiedil lisstaValsedel lista 00200 – 259 jiena

  1. Karin Kanna
  2. Linn Loman
  3. Mariann Monet
  4. Nina Nutti
  5. Olof Omma
  6. Per Peter Pilvi
  7. Quer Qvarts
  8. Rakel Ranelid
  9. Susanne Sikku
  10. Tinna Tranström

Lávkes lávkkáj – gudi sjaddi ájrrasin?

  1. Riekkni rájev almasjjienajda. Rádje almasjjienajda le 5 procenta jienajs belludahkaj. Danen gå 5 procenta 410 jienajs li 21 jiena merkaj kandidáhtta X Belludahkaj hähttuji binnemusát 21 almasjjienajt oadtjot válljiduvátjit almasjjienajda.
  2. Rávkalvis vil gávnnu binnemusát 25 almasjjiena. De X Belludahkaj li binnemusát 25 jiena ma li fámon dán vidjurin.
  3. Gehtjada gudi li rádáj bessam almasjjienajda. Guokta kandidáhta, Karin Kanna ja Björn Baer, dievddi rávkalvisájt válljiduvvat almasjjienajda ja de nammaduvvi ájrráin.
  4. Danen gå ienep kandidáhta dievddin rávkalvisájt almasjjiednaválljimij de goalmát mandáhtta nammaduvvá ålleslåhkovuogijn..
  5. Sihko kandidáhtajt gudi li mándahtajt oadtjum ja gehtja makkir kandidáhta de li bajemusán listajn. Bajemusán juohkka listan gå guokta vuostasj mandáhta li nammadum la Anders andersson (lissta 00100) ja Linn Loman (lissta 00200).
  6. Riekkni buohtastahttemlågov kandidáhtajda gudi li tjáledum bajemusán. Sijá färttahasj buohtastahttemlåhko li sämmi degu jienaj låhko färttahasj lisstaj, d.j. 151 Andres Anderssonaj ja 259 Linn Lomanij.
  7. Gänna l alemus buohtastahttemlåhko, Linn Loman. Oadtju goalmát mandáhtav.

Lávkes lávkkáj – gudi sjaddi sadjásattjan?

  1. Agev galggi binnemusát gålmmå sadjásattja juohkka ájrrasij nammaduvvat, Ulmusj máhttá sadjásattjan moatte ajrrasij.
  2. Gehtjadit jus soames kandidáhtta máhttá sadjásattjan nammaduvvat almasjjienajda. Vásstádus la ij, kandidáhta gudi li bessam rádjáj li juo nammadum ájrrasin.
  3. Danen gå ájrrasa gudi li nammaduvvam båhti goappásj listajs de X Belludahka guokta umasse juohkusijt sadjásattja, d.j. guoktajuohkusa. nåv gåhtjodum sadjásajjuohkusa.
  4. Karin Kannaj ja Linn Lomanij sjaddi sadjasattja gålmmåsa tjáledum sijá maŋŋela listan 00200. Sij li Marianne Monet, Nina Nutti ja Olof Omma gudi li sadjásattja goappátjagá Kannaj ja Lomanij.
  5. Björn Baeraj sjaddi sadjásattja gålmmåsa tjáledum bajemusán listan nr 00100 ietján gå sån iesj, d.j. Anders andersson, Carl Calais ja David Denson. Sij li val sadjásattja Baeraj.

Mandáhttajuogadibme lágan

Gå lenastivrra nammat ájrrasijt de anoduvvi njuolgadusá 14. kap. 9. ja 10. §§ válljimlágan (2005:837) válljima hárráj rijkkabäjvváj.

Kandidáhttaj válljiduvátjit almasjjienajda de vil la fámon sån galggá binnemusát 25 almasjjienajt oadtjum.

Njuolgadusá nammadittjat ájrrasijt ja sadjásattjajt válljmláganlänk till annan webbplats

Val och folkomröstningar