Publicerad: 7 maj 2021

Jienastit belludahkaj ja ulmutjij válljimin Sámediggáj

Gávnnuji válljimsiedila kandidáhtaj juohkka belludahkaj mij säbrrá válljimin.Ietján gå jienastit belludahkaj de máhtá aj almasjjienastit kandidáhttaj gå ruossi kandidáhttaj.

Válljimsiedila sisanedi belludaknamáv ja kandidáhttalistajt

Válljimin Sámediggáj máhtti juohkusa, belludagá ja dakkir lihto säbrrat. Nammaduvvi dánna belludahkan.

Gähttjat makkir belludagájda ja kandidáhtajda l máhttelis jienastitlänk till annan webbplats

Válljimsiedila belludaknamáj ja kandidáhttalista prienntiduvvi ja biejaduvvi válljimlanjájda. Gájkka belludagáj válljimsiedila rájaduvvi dåhkkidum jienastiddjij årudahkaj aktan jienastimkårtåjn.

Jienastit belludahkaj vani almasjjienastit

Jus val sidá jienastit belludahkaj de válde válljimsiedilav belludagá namájn, ja ale ruossi kandidáhttaj.

Almasjjienastit

Máhtá ulmutjij jienastit gå ruossi kandidáhtanamáv válljimsiedilin. Máhtá val ruossit avta kandidáhttaj ja dån i máhte avtak kandidáhttanama badjel sáhtsat. Ij la ga máhttelis tjállet duodde kandidáhtajt válljimsiedij.

Manen e gávnnu guoros válljimsiedila?

Válljimin sámediggáj li gájkka belludagá ja kandidáhta åvddåldiededuvvam ja válljimsiedila kandidáhttalistaj gájkka belludagájda li biejadum gájkka válljimlanjájn. Válljimsiedila rájaduvvi aj válljijiddjij årudahkaj. Dajna ij la dárbulasj guoros válljimsiedilij.

Guoros válljimsiedila almulasj válljimin li ájgodum dajna gå válljijiddje galggá máhttet belludak- ja kandidáhttanamáv tjállet dasi jus válljijiddje ij åttjuda riektá válljimsiedilav.

Val och folkomröstningar