Publicerad: 19 februari 2021

Tjaatsestimmiereaktah jïh tjaatsestimmielåhkoe

Gaajhkh gïeh sijhtieh veeljemem Saemiedægkan tjaatsestidh tjuerieh tjaatsestimmielåhkose tjaalasovveme. Daesnie åadtjoeh daejredh guktie lea.

Gie åådtje veeljemisnie Saemiedægkan tjaatsestidh?

Suehpeden 16.b. 2021 lea veeljeme Saemiedægkan. Jis veeljemisnie tjaatsestidh tjoerh meatan årrodh tjaatsestimmielåhkosne. Tjaatsestimmielåhkoe lea læstoe gusnie gaajhkh gïeh tjaatsestimmiereaktam utnieh jïh åadtjoeh tjaatsestidh.

Guktie manne tjaatsestimmielåhkose tjaalasåvva?

Guktie meatan sjïdtedh tjaatsestimmielåhkose tjoerh naan kriterijh dievhtedh. Jis datne dejtie kriterijidie dievhtedh tjoerh bæjhkoehtimmiem seedtedh datne sïjhth meatan årrodh tjaatsestimmielåhkosne.

Bæjhkoehtimmie tjuara Saemiedægkan seejnemes golken 20.b. 2020 båateme.

Jis datne joe tjaatsestimmielåhkosne ih daarpesjh viht bæjhkoehtidh.

Kriterijh guktie åådtje meatan tjaatsestimmielåhkosne

  • Datne sveerjen jallh ålkoelaanten årroje.
  • Datne leah saemie, sjïere kriteriji mietie, jïh
  • 18 jaepieh illeme seejnemes veeljemebiejjesne.
  • Jis datne ålkoelaanten årroje tjoerh Sveerjesne tjaalasovveme unnemes dej golme minngemes jaepieh.

Kriterijh guktie saemine årrodh veeljemisnie

  • Datne edtjh mïeledh datne saemie, jïh aaj aktem dejstie:
  • Datne gåetesne saemestem jallh saemiestim, jallh
  • Naan dov eejhtegistie, aahka goh aajjijste gåetesne saemiestieh jallh saemiestin, jallh
  • Dov eejhtege meatan Saemiedigkien tjaatsestimmielåhkosne.

Annjebodts jïh minngemes tjaatsestimmielåhkoe

Tjaatsestimmielåhkoe göökte daltesi mietie nænnoestidh. Akte annjebodts jïh akte minngemes tjaatsestimmielåhkoe.

Saemiedigkien veeljememoenehtse nænnoste aktem annjebodts tjaatsestimmielåhkoem minngemes rahkan 15.b. 2020. Dïhte edtja gååvnesidh ovmessie sijjine laantesne dejtie gïeh sijhtieh dam vuejnedh.

Sijjieh gusnie tjaatsestimmielåhkoem gååvneselänk till annan webbplats

Maahta annjebodts tjaatsestimmielåhkoem klååkedh.

Annjebodts tjaatestestimmielåhkoem klååkedh

Dah maehtieh annjebodts tjaatsestimmielåhkoem klååkedh:
  • dïhte gie bæjhkoehtamme mohte ij leah meatan
  • dïhte gie meatan annjebodts tjaatsestimmielåhkosne jïh sæjhta klååkedh naan mubpie leah tjaalasovveme.

Klååkeme edtja Leeneståvrose Norrbottenen leenesne båateme seejnemes goeven 15.b. 2020.

Klååkemem gïetede byjjes tjåanghkosne Leeneståvrosne Norrbottenen leenesne goevten 15.b. 2021.

Dah moenemh mah leeneståvroe muana klååkemen bïjre ij maehtieh viht klååkedh.

Minngemes tjaatsestimmielåhkoe

Minngemes tjaatsestimmielåhkosne gaajhkh meatan gïeh åadtjoeh veeljemisnie tjaatsestidh.

Statistihke dej bïjre gïeh åadtjoeh tjaatsestidhlänk till annan webbplats

Val och folkomröstningar