Publicerad: 23 november 2020

Tjaatsestimmieh ryöknedh jïh veeljemeilleldahke

Daesnie åadtjoeh vielie daejredh guktie tjaatsestimmieryöknemem tjïrrehte jïh guktie veeljemeilleldahkem buakta veeljemisnie Saemiedægkan.

Leeneståvroe Norrbottenisnie tjaatsestimmieryöknemem aalka måantan våhkoen veeljemen mænngan.

Veeljemisnie Saemiedægkan 2021 aalka tjaatsestimmieh ryöknedh suehpeden 24.b. 2021.

Tjaatsestimmieh vuarjasjidh jïh veeljemeskuahpah veeljemelæhtan bïejedh

Leeneståvroe tjaatsestimmieh vuarjesje. Jis tjaatsestimmieh eensilaakan ryöjredamme dellie tjaatsestimmiem veeljemelæhtan beaja jïh veeljije tjaatsestimmielåhkosne vïhtesje.

Tjaatsestimmieh veeljemesavkijste vuarjasjidh

Tjaatsestimmieryöknijh voestegh tjaatsestimmide veeljemesavkijste vuarjasjieh. Dah rïhpestieh dejtie dåhkasjahteme bæjngoldsskuahpide jïh vaeltieh veeljemeskuahpide destie.

Jis veeljemeskuahpa eensilaakan öörneme tjaatsestimmieryöknije dam veeljemelæhtan beaja jïh veeljije tjaatsestimmielåhkosne vïhtesje.

Bæjngoldsskuahpesne, mij aaj tjaatsestimmiekåarhte, veeljijen nommem tjaaleme. Gosse tjaatsestimmieryöknije veeljemeskuahpam veeljemelæhtan beaja dellie nomme tjaatsestimmeste juaka jïh dan vuekien mietie veeljijen veeljemetjeakoesvoete aajmene.

Prievietjaatsestimmieh vuarjasjidh

Gosse tjaatsestimmieryöknijh leah gaajhkh veeljemesavkatjaatsestimmide vuarjasjamme, dah prievietjaatsestimmide vuarjasjieh jïh vaaksjoeh dah leah ryöjredamme eensilaakan.

Tjaatsestimmieryöknijh vaaksjoeh veeljije ij leah tjaatsestimmielåhkosne vïhtesjamme.

Jis veeljije joe tjaatsestimmielåhkosne vïhtesjamme sæjhta jiehtedh veeljije lea veeljemesavkesne tjaatsestamme. Dellie prievietjaatsestimmie luhpehts jïh eah dam læhtan bïejh.

Veeljemelihtiem döömie jïh veeljemesïetelh ryöknedh

Mænngan leeneståvroe lea tjaatsestimmieh vuarjasjamme jïh dåhkasjahteme veeljemeskuahpah veeljemelæhtan beajeme dah veeljemelihtiem döömieh. Tjaatsestimmieryöknijh veeljemeskuahpide rïhpestieh jïh vaeltieh veeljemesïetelidie dejstie.

Voestegh dah ryöknoeh veeljemesïetelidie fïerhtide dåehkide, krirride jallh plearoeh aktanimmide. Dan mænngan ryöknoeh persovnetjaatsestimmide fïerhte kandidaatese.

Leeneståvroe veeljemesïetelidie vuarjesje

Naemhtie Leeneståvroe veeljemesïetelidie vuarjesje:

  • Jis veeljije kroessem vadta göökte jallh jienebh kandidaatide - dellie tjaatsestimmie krærran, men ij persovnetjaatsestimmie.
  • Jis veeljije göökte jallh jienebh veeljemesïetelh krærran aktene veeljemeskuahpesne, men ovmessie kandidaatelæstoeh jallh kroessem beajeme ovmessie kandidaatide veeljemesïetelinie – dellie sjædta tjaatsestimmie krærran men ij persovnetjaatsestimmie.
  • Jis veeljije sleajhta jallh kandidaaten nommem lissehte – ij leeneståvroe dam krööhkesth.

Veeljemesïetelh mah luhpehts

Veeljemesïetleh leah luhpehts jis dah:

  • Ij leah tjaaleme naan krirrien nommem veeljemesïetelisnie.
  • Veeljemesïetele jienebe goh akte krirrienomme jallh jienebh veeljemesïetelh ovmessie krirrijste aktene veeljemeskuahpesne.
  • Veeljemesïetele væhtam åtna maam vååjnoes sjïere sjïekine dorjeme, vuesiehtimmien gaavhtan dïsse tjaaleme gie lea tjaatsestamme.
Val och folkomröstningar