Published: 23 November 2020

Sámedigge

Sámedigge l goappátjagá stáhta fábmudahka ja sáme parlamännta. Válljim Sámediggáj dåjmaduvvá juohkka nälját jage goalmát ájllega moarmesmánon.

Sámedigge l goappátjagá stáhta fábmudahka virggeulmutjij ja sáme parlamännta álmmukválljidum ájrrasij.

Sámedigge vuododuváj 1993 buoredittjat svieriga sámij máhttelisvuodav bisodit ja åvddånahttet ietjasa kultuvrav.

Válljim Sámediggáj

Válljim sámediggáj dåjmaduvvá juohkka nälját jage goalmát ájllega moarmesmánon. Dalloj válljiduvvi 31 ájrrasa ja sadjásattja sidjij, gudi åvdåsti sámijt parlamentan.

Gájkka sáme gudi li diededam ja gávnnuji jienastimlågon bessi jienastit válljimin Sámediggáj.

Gålmmå fábmudagá giehtadalli válljimav

Åvdåsvásstádus tjadádittjat válljimav Sámediggáj la juogedum tjuovvo fábmudagáj gaskan::

Sámedikke válljimsiebrreráde

Sámedikke válljimsiebrreráden la åvdåsvásstádus ietjádij siegen jienastimlågo vuododimes ja ásadit válljimlanjájt ja jiednaduostudiddjijt.

Sámedigge External link.

Norrbottena lenastivrra

Norrbottena lenastivrra tjadát maŋemus jiednariekknimav, nammat ájrrasijt ja sadjásattjajt ja mierret máhttelis gujddimijt gasskabåddåsasj jienastimlågo hárráj.

Norrbottena lenastivvra External link.

Válljimfábmudahka

Válljimfábmudagán la gájkbadjásasj åvdåsvásstádus válljimis ja rádjá ietjádij siegen jienastimkårtåjt, registart juohkusijt, belludagájt ja dakkir lihtojt ja sijá kandidáhtajt, ja priennti válljimsiedilijt.