Publicerad: 23 november 2020

Áirrasjuohkin bellodagaid gaskkas

Dás lea diehtu got áirasat juhkojuvvot bellodagaid gaskkas Sámediggeválggas.

Go leanastivra lea lohkan jienaid sii juogadit áirasiid Sámedikkis joavkkuid, bellodagaid ja sullasaš ovttastusaid gaskkas. Dás ovddos sii namuhuvvot bellodagan.

Leanstivra nammadit maid lahtuid ja sin várrelahtuid.

Áirrasjuohku bellodagaid gaskkas

Leanastivra juogada daid 31 áirasiid bellodagaid gaskkas.

Sámediggeválggain ii leat mangelágán rádji galle proseantta jienaiguin okta bellodat ferte oažžut nu ahte lea mielde áirasiid juohkimis. Sámediggeválggas lea beare okta válgabiire ja dalle eai leat dássenáirasat.

Dássejuvvon leaskalogumetoda

Rehkenastinvuohki áirrasjuohkimis bellodagaid gaskkas gohččoduvvo dássejuvvon leaskalogumetoda. Dát vuohki maid gevttojuvvo riikabeaivveválggas, regiovnnaválggas, gielddaválggas ja Eurohpaparleameanttaválggas.

Leanastivra rehkenasta veardidanmeari juohke bellodahki. Bellodagaid vuosttas veardidanmeari ožžo go juohká visot bellodaga jienaid 1,4in.

Dat bellodat geas lea alimus veardidanmearri oažžu dan vuosttas áirasa ja dat bellodat oažžu de ođđa veardidanmeari go jietnamearri juohkejuvvo 3án. Eará bellodagat, geat eai ožžon dan vuosttas áirasa, sis lea ain dat veardidanmearri mii leai álggus.

Go okta bellodat oažžu sin nuppát áirasa de sin jietnamearri juohkejuvvo 5án, nu rehkenastojuvvo ođđa veardidanmearri. Goalmmát áirasa maŋŋel de jietnamearri juohkejuvvo 7án, jna.

Got rehkenasta áirrasjuogu

2009 jagi válggas de dat njealjje vuosttas áirasat juhkojuvvo na.

  1. Juohke bellodaga jietnamearit juhkojuvvot 1,4in nu visot bellodagat ožžot veardidanmeari.
  2. Dan bellodagas geas dál lea alimus veardidanmearri lea Bivdo- ja guolástanbellodat. Sii ožžot de vuosttas áirasa. Bivdo- ja guolástanbellodaga jietnamearri juhkojuvvo de čuovvovaš juohkinnummarin, nummar 3, ja dat šaddá 356,33. Eará bellodagat gilvalit sin álggolaš veardidanmeariiguin.
  3. Sámiid Riikabellodagas lea dál alimus veardidanmearri ja sii ožžot nuppát áirasa.
  4. Sámiid Riikkabellodaga jietnamearri juhkojuvvo de čuovvovas juohkinnummarin, nummar 3, ja dat šaddá 302,66.
  5. Sis geas dál lea alimus veardidanmearri lea Sámit ja sii ožžot goalmmát áirasa.
  6. Sámit bellodaga jietnamearri juhkojuvvo de čuovvovaš juohkinnummarin, nummar 3, ja dat šaddá 215,33.
  7. Sis geas dál lea alimus veardidanmearri lea Guovssonásti ja sii ožžot njealjját áirasa.

Dán rehkenastinvuogi gevttet dassážii visot 31 áirasiid leat juhkojuvvon.

Ovdamearka

Joavkkut, bellodagat dahje sullasaš ovttastusat

Jietnamearri

Veardidanmearri, vuosttas áirras

Veardidanmearri, nuppát áirras

Veardidanmearri, goalmmát áirras

Veardidanmearri, njealját áirras

Albmut - Almetjh - Almasj - Folke

117

83,57

83,57

83,57

83,57

Guovssonásti

625

446,42

446,42

446,42

446,42

Jakt- och Fiskesamerna

1 069

763,57

356,33

356,33

356,33

Min Geaidnu Mijá Gäjnno Mijjen Geajnoe

496

354,28

354,28

354,28

354,28

Samerna

646

461,42

461,42

461,42

215,33

Sámiid Riikkabellodat Samelandspartiet

908

648,57

648,57

302,66

302,66

Solidaritet

62

44,28

44,28

44,28

44,28

Vuovdega-Skogssamerna

450

321,42

321,42

321,42

321,42

Rehkenastit áirasiid

Jus galggat rehkenastit áirasiid de sáhtat dan bargoneavvu geavttit, nu gohččoduvvon válgasimulatuvra.

Rehkenaste válgasimulatuvrran

Áirrasjuohkin lágas

Áirrasjuohkin bellodagaid gaskkas. Njuolggadusat Sámediggelágas (på svenska)länk till annan webbplats

Val och folkomröstningar