Saaruno velkibi aro Sveittiko themAngluno

Published: 11 May 2026

Aro Sveittiko them hin staar saarune velkibi – velkiba themmuno Parlamentoske (Riksdagsval), phuujano ringosko naalunengo velkiba, thaanavitika naalunengo velkiba ta Europarlamentosko velkiba.

Saaruno velkiba

Aro Sveittiko them hin staar saarune velkibi:

  • themmuno Parlamentosko (Riksdagsval)
  • phuujano ringosko naalunengo
  • thaanavitika naalunengo
  • Europarlamentosko.
  • Saarune velkibi themmuno Parlamentoske, phuujane ringosko- tathaanavitika naalunengo velki aavena stellime alti Hyöstako tšoonesko duito kurkos sakka startto bereȟ

Europarlamentosko velkiba aavela stellime aro Luludžjako tšoon, Džondribosko tšoon, Niijalesko tšoon elle aro Khassesko tšoon sakka pangȟto bereȟ douva tiija so aavela dömmime Europarlamenteatta. Velkiba aavela stellime ejakkes sar sakka lendako themmengo kokare velkibosko laagi phennela ta aro Sveittiko them velkibosko laaga phennela te douva hin mostiba aaȟȟes kurko diives.

Saaruno ta itveerime lyijako diiniba ta phirro, tšorjalo ta reetine velkibi

Sveittiko velkibosko stelliba botnila aro saaruno ta itveerime lyijako diinibosko horttiba ta douva, te velkiba hin stellime sar phirro, tšorjalo ta reet maneereha. Velkibi hin tšerto froolaagime veijeha ta džinom dikkibiako maneereha ta dooleske doola hin itveerime saare komujenge. Velkibi hin rigime ajasaavo fallibosko farabakiireha, so hin iek dola staar botnosko laagenna.

Saaruno lyijako diinibosko horttiba

Lyijako diinibosko horttiba hin vollime endo jakkes, te saare leha pherdaven douva, pengo phuranipessa, themmeskiiribiessa ta buuribosko stedessa.

Itveerime lyijako diiniba

Saare velkiboskiiren hin itveerime horttiba te angouvaven doi so hin velkibosko sisto auri aaviba, jakkes te saare komuja hin iek lyija.

Phirro velkiba

Tšek vaures hin horttiba te dömmaves so lyijako diiniboskiiro kammela te velkaves ta tšekkes naa mostiba te velkaves kaana jou/-i na kammena.

Tšorjalo velkiba

Velkiboskiires na hyövyveha sikaves elle rakkaves dotta sar elle kooneske jou/-i hin diias pesko lyija ta velkadas.

Reetine velkiba

Velkibongiire velkina koon peȟȟena naaluno merkneha aro themmuno Parlamentos elle aro thaanavitiko velkibos sar angleskiiro.

Sök