Šuv čiro glaso ande čiro alosarimasko lokalo po alosarimasko djes

Biris te šuves čiro glaso ande čiro alosarimasko lokalo po alosarimasko djes.

• O alosaripe po riksdagen, regionvalet taj kommunvalet si o alosarimasko djes mindig o dujto kurko ando september sako štarto berš.
• O EU-alosaripe si ando april, maj, juni vaj juli sako pandžto berš. Ando Švedo si o alosarimasko djes mindig kurke.
• Pe čiri alosarimaski-kartja si iskirime ande savo alosarimasko lokalo biris te šuves čiro glaso po alosarimasko djes taj le lokaloske phuterde časura (öppettider).
• Či trubuj te les tusa čiri alosarimaski-kartja de trobuj te les tusa jek laši identifikacia vaj varekas kaj zurarel čiro identiteto te na san pindžardo le bučarenge kaj primin le glasura. Kodo manuš trubuj atunči te sikavel peski identifikacia.

Te alos angla alosaripe

Biris te alos angla alosaripe kaj kames pa intrego them.

• Biris te alos angla alosaripe de khatar le dešuxto djes angla o alosarimasko djes ži po alosarimasko djes.
• Či trubuj te les tusa čiri alosarimaski-kartja de trobuj te les tusa jek laši identifikacia vaj varekas kaj zurarel čiro identiteto te na san pindžardo le bučarenge kaj primin le glasura. Kodo manuš trubuj atunči te sikavel peski identifikacia.

Le žutipe katar jek budo (bud)

Te šuves čiro glaso le budosa značij ke jek kaver manuš ingerel čiro glaso tuke kaj čiro alosarimasko lokalo vaj ande jek angla-alosarimasko lokalo.

• O angluno djes kana biris te lašares čiro glaso le budosa si 24 djesa angla o alosarimasko djes. O budo birij te del andre čiro glaso feri kana o angla-alosaripe phuterdžol.

Biris te šuves čiro glaso le budosa te san:

• nasvalo
• phuro
• te san nasvalkerdo
• phandado ando häkte vaj temlica
• trajis vaj san paša jek lantbrevbärarlinje (kontaktulin e Postnord).

Le žutipe katar e komuna

Te si tuke phares te areses kaj jek alosarimasko lokalo vaj jek lokalo angla-alosarimasko taj či pindžares khanikas kaj birij te avel tuke budo, birij čiri komuna te kerel kade ke le bučara kaj primin le glasura te aven tute te primin čiro glaso, kado bušol phirimasko glasongo primipe (ambulerande röstmottagning). Šaj kontaktulis čiri komuna pa maj but informačia.

Žutipe le alosarimasa ando lokalo

Tu kaj san nasvalkerdo šaj manges žutipe katar jek bučari kaj primij le glasura. Le bučaren kaj primin le glasura si o obovjonsko te na phurin khanči (tystnadsplikt) taj našti te phurin khanikaske pe kaste tu šutan čiro glaso. Biris vi te les tusa jekhe kavere manušes pala o falo te žutij tu te šuves čiro glaso de mindig trubuj vi jek bučari kaj primij le glasura te avel khote.

Sa le lokalura si te aven phuterde le manušenge kaj si nasvalkerde.

Šuv čiro glaso anda jek kaver them

Biris te šuves čiro glaso duje ruznone dromenca anda kaver them. Biris te alos angla alosaripe ande but švedicka ambasadura taj konsulatura vaj te šuves čiro glaso perdal e počta. O angluno djes kana biris te lašares čiro glaso perdal e počta ando kaver them taj te bišaves les kaj o Švedo si 45 djesa angla o alosarimasko djes.

O alosarimasko čačipe ande švedicka alosarimata

Te avel tut o alosarimasko čačipe trobuj te pherdžos 18 beršengo maj pužno po alosarimasko djes. Kado si pe sa le alosarimata. Le zakonura ružninpe maškar o alosaripe po riksdagen, regionvalet, kommunvalet taj o EU-alosaripe.

Alosarimasko čačipe po riksdagen

Tut si alosarimasko čačipe po riksdagen te san:

• 18 beršengo po alosarimasko djes,
• švedicko citizento
• san vaj sanas iskirime ando Švedo (folkbokförd).

Alosarimasko čačipe po regionvalet taj kommunvalet

Tut si alosarimasko čačipe po regionvalet taj kommunvalet te san:

• 18 beršengo po alosarimasko djes,
• švedicko citizento taj san iskirime po adreso ande komuna vaj regiono
• citizento ande varesavo EU them vaj citizento ando Island vaj Norvego taj san iskirime ande komuna vaj ando regiono,
• citizento ande varesosko kaver them, vaj bi themesko, taj san iskirime po adreso ando Švedo maj cera trin berš angla alosarimasko djes, taj san iskirime ande komuna vaj regiono.

Alosarimasko čačipe ando EU-alosaripe

Tut si alosarimasko čačipe and EU-alosaripe te san:

• 18 beršengo po alosarimasko djes,
• švedicko citizento taj san (vaj sanas) iskirime ando Švedo,
• san citizento ando kaver EU them, san iskirime ando Švedo taj meldulis tut kaj o švedicko röstlängden maj sigo 30 djes angla o alosarimasko djes.

O alosarimasko čačipe si šutino 30 djes angla o alosarimasko djes

Čiro alosarimasko čačipe šutinoj pala e informačia ando Skatteverkosko folkbokföringsregister 30 djes angla o alosarimasko djes. Kodola kaste si alosarimasko čačipe linej andre ando röstlängden savi si jek lista sa kodolenca kaske slobodoj te šuven pesko glaso ande jek alosaripe. Či trubuj te meldulis tu kaj o röstlängden te primis alosarimasko čačipe.

Sako jek kaste si alosarimasko čačipe primij jek alosarimaski-kartja

Sako jek kaste si alosarimasko čačipe ande jek alosaripe primij jek alosarimaski-kartja. Voj avel bišadi kaj čiri digitalno počta vaj perdal e počta kaj čiro folkbokförings-adreso vaj kaj jek specialno počtako adreso te san meldulime pe jek kasavo.

Naj musaj te les tusa čiri alosarimaski-kartja kana alos angla alosaripe vaj kana šuves čiro glaso ande čiro alosarimasko lokalo po alosarimasko djes.

Så funkar valsedlar och personröstning

Alosarimaske lila si te aven pe sako than kaj biris te šuves čiro glaso.

Le alosarimaske lila si kerdine koloronca te sikaven savo alosaripe si:

• Parne alosarimaske lila – e komuna.
• Vuneta alosarimaske lila – o regiono.
• Galbena alosarimaske lila – o riksdagen.
• Parne alosarimaske lila (po EU-alosaripe) – o Europaparlamento.

Iskirimej po alosarimasko lil savo alosaripe taj pe savo than kado kerdžol pe, sar naprimer jek valkrets.

Ande švedicka alosarimata mindig šuves čiro glaso pe jek partia. Pala kodo biris te alos te kames te šuves čiro glaso pe jek anda la partiake kandidatura.