Publicerad: 22 mars 2021

Juhkusa, partija ja sjimuk akktavuoda

Diededibme dunji gie lä juhkusin, partijan jala sjimuk akktavuodan ja galga kandidáhttan årrot välljimin Sámediggáj mårbmesmáno 16 biejven 2021.

Juhkusa, partija jala sjimuk akktavuoda gåhtjoduvvuji vuällen partijan.

Diededa maŋemus njukktjamáno 15 biejven

Gájk partija verrtiji diededit ietjase vaj tjáleduvvuji välljimij Sámediggáj. Maŋemus bäjjve partijajda diededit lä njukktjamáno 15 biejven 2021.

Giehtja diededum partijajt ja kandidáhtajtlänk till annan webbplats

Årrå partija verrtiji dårjov guorret

Da partija ma dán mandáhttaájgen ällä mandáhta aneduvvuji årrå partijan.

Årrå partija gillgi rájjat:

  • buärrdegirjev partijast mij vuoseda dav namav mij gallgá fámon årrot partijaj
  • kopijav buärrdegirjest mij vuoseda partija lä mierredam njuolgadusajt ja stivrav.
  • tjårgådum dårjov binnámus 50 almatjijst.

Dokumännta gallgá Välljimåjváladtjan maŋemus njukktjamáno 15 biejven 2021.

Diededibme tjårgådum dårjo birra

Årrå partija verrtiji guorret tjårgådum dårjov unnemus 50 almatjijst. Dårrjo gallgá guoreduvvut nammavuallájtjállagin blankiehtan.

Blankähtta Nammavuallájtjállaga (dáron) (pdf, 72 kB)

  • Almatja verrtiji årrot maŋemus jienastimlågon båhtej välljimij 2021.
  • Almatja ma dårjodi diededimev gillgi ietja tjállet namav ja almatjnummerav blankähttaj.
  • Blankähtta nammavuallájtjállagijda

Välljimåjválatj mierreda njukktjamáno 1 biejve maŋŋel 2021

Välljimåjválatj mierreda diededime sisatjállema birra maŋŋel gu maŋemus jienastimlåhko lä biejaduvvum. Maŋemus jienastimlåhko biejaduvvu maŋemus njukktjamáno 1 biejven 2021.

Kandidáhta ja välljimsedila

Partija mähtti diededit kandidáhtajt akta lisstuj jala ienap listojda. Gájk kandidáhta verrtiji tjálálatj låbev vaddet partijaj diededit dajt. Listo prenntiduvvuji välljimsedilin ja da rájaduvvuji gájkajda ma idni riektav jienastit.

Välljimin Sámediggáj ie gävdnu guoros väljjimsedila jala välljimsedila gunne lä bär partija namma. Gävdnuji bär välljimsedila gåbbátjak partijanamajn ja kandidáhttanamaj.

Tjellgim båhtá dasste ahte gájk partija ja kandidáhta verrtiji åvvdålin diededit välljimij.

Kandidáhta ja listo

Partija máhttá kandidáhtajt diededit akta lisstuj jala ienap listojda. Lissto lä juogos kandidáhtajst såmes urdnigin. Binnámus gålbmå kandidáhta verrtiji diededuvvut.

Partija vuoseda kandidáhtajt duäddetjállagin blankähttaj mav partija maŋemus njukktjamáno 15 biejven 2021 guorrá diededit ietjas välljimij. Kandidáhta gillgi tjáleduvvut dan urdnigin gukkte nama gillgi prenntiduvvut välljimsedilin.

Duhkkidit välljimsedilkorrektuvrav

Välljimåjválatj dahká välljimsedilkorrektuvrav mij rájaduvvu e-påstån dan almatjij mav partija lä biejjam korrektuvvravásstedäjjen. Danen gu lä ånegis ájjge prenntimij verrtij vásstedäjje partijan svärrut korrektuvrav dalának.

Maŋŋel gu korrektuvvravásstedäjje lä duhkkidam korrektuvrav máhttá välljimsedil prenntiduvvut.

Välljimsedilij prenntim

Välljimsedila prenntiduvvuji vellgis páhppára nala sturrudagan A6. Välljimsedilij nala prenntiduvvuji partija namma ja diededuvvum kandidáhtaj nama.

Välljimsedila nanne ij tjárga ienap gu 72 kandidáhta åvdåsbielen ja maŋep bielen, jus fiert kandidáhtta tjárrgá aktan gárgadasan välljimsedilin.

Diedo kandidáhta birra udtju bär guäkkte gárgadasa dävvdet välljimsedilin.

Välljimsedilij juogadibme

Partija ma lä diededam ietjase ja kandidáhtajt udtju välljimsedilijt prenntiduvvum ja juogaduvvum Välljimåjváladtjast muddon.

Jus partijan lä ienap listo dä prenntiduvvu sämmi iednagav fiert listost.

Fiert välljimsedil rájaduvvu aktan jienastimkurtajn gájkajda ma lä maŋemus jienastimlågon. Välljimsedila gävdnuji aj välljidejjijda gájk välljimrummajn.

Partija aj udtju 1000 välljimsedila (fiert listost jus lä ienap listo) ietja juogadit ietjase miela mehti.

Kustik ienap välljimsedilij åvdåst

Jus partija sihtá ienap välljimsedilijt diŋŋgut gu dajt ma máksodak udtju, dä lä kustik 50 kråvnå 1000 välljimsedilij åvdåst. Mákkso verrtij dagaduvvut maŋemus njukktjamáno 15 biejven 2021. Válde akktavuodav Välljimåjváladtjajn ienap diededime åvdåst mákso birra.

Diŋŋgum dagaduvvu sämmi blankiehtan gunne partija diededa ietjas välljimij.

Diededibme dunji kandidáhttan

Jus välljidahtte galga årrot välljimin Sámediggáj galga:

  • jienastimriektav adnet välljimin Sámediggáj,
  • sverik årrot, jala jus lä viesát ietjá rijkan, tjáleduvvum gålbmå jábe Sverjin, ja
  • diededuvvum årrot kandidáhttan sisatjáleduvvum partijast.

Kandidáhttatjellgim – dån verrti låhpedit partijaj

Fiert diededuvvum kandidáhtta gallgá vaddet ietjas giedast vuallájtjáleduvvum tjellgimblankiehtav partijaj.

Tjellgimblankiehtan vaddá kandidáhtta låbev diededuvvut ja gävdnut välljimsedilin partija åvdåst.

Partija gallgá tjuhkkit gájk tjellgimblankiehtajt kandidáhtajst ja rájjat Välljimåjváladtjaj, aktan diededemijn partijast ja kandidáhtajst.

Tjellgimblankiehta ja diededibme gillgi rájaduvvut Välljimåjváladtjaj maŋemus njukktjamáno 15 biejven 2021.

Almatjjienastibme – gie välljiduvvu?

Kandidáhtta dárbaha binnámus vihta prosienta partija jienajst vaj välljiduvvu. Kandidáhtta verrti aj ådtjot binnámus 25 almatjjiena.

Lä Norrbottena liena lienastivrra mij vássteda rekknut jienajt, juohket mandáhtajt ja mierredit lahtasijt ja sajjásadtjat välljimij Sámediggáj.

Ienap diededibme gävdnu dánne jiednarekknum ja välljimtjuovos

Partija udtju diedojt jienastimlågost

Gájk partija ma lä tjáleduvvum välljimij udtju tjåhkkájgiessemav såmes diedoj maŋemus jienastimlågost, dat hållá namma, adrässa ja riegádimájjge dajda ma idni riektav jienastit.

Dat njuolgaduvvu biejadasan (2002:62) usij birra dáhtabásajst välljimijn ja älbmukjienastimijnlänk till annan webbplats.

Sámedigge kanslija rájjá tjåhkkájgiessemav USB-mujton gájk partijajda maŋŋel gu Välljimåjválatj lä mierredam gájk partijaj sisatjállemij birra njukktjamáno 15 biejve maŋŋel.

Tjåhkkájgiessem udtju guoreduvvut akta partijaj bálen. USB- mujton gävdnuji gålbmå fijla diedoj almatjij birra maŋemus jienastimlågon;

  • excel-fijjla namaj, adriessaj ja riegádimájjge,
  • skv-fijjla namaj, adriessaj ja riegádimájjge,
  • PDF-fijjla namaj ja adriessaj skáven mij sjähttá prenntimij adrässaetikiehkaj nala (3x8 almatjijda fiert A4:n).
Val och folkomröstningar