Publicerad: 22 mars 2021
Dåehkieh, krirrieh jïh plearoeh aktanimmieh
Bïevnesh dutnjien gie meatan dåehkesne, krirresne jallh plearoeh aktanimmesne jïh edtjh meatan veeljemisnie årrodh Saemiedægkan suehpeden 16.b. 2021.
Dåehkieh, krirrieh jallh plearoeh aktanimmieh dan vuelelen gohtje krirrieh.
Bæjhkohth seejnemes njoktjen 15.b.
Gaajhkh krirrieh tjuerieh bæjhkoehtidh guktie sjidtieh tjaalasovveme Saemiedigkien veeljemasse. Minngemes biejjie bæjhkoehtidh lea njoktjen 15.b. 2021.
Information om PDF-blanketter
I vissa webbläsare inte går att öppna blanketterna eller fylla i dem. Spara då ned blanketterna på din dator och öppna dem med en PDF-läsare, till exempel Acrobat Reader. Du kan också testa att öppna blanketten i en annan webbläsare.
Du kan hämta Adobe Reader gratis på Adobes webbplats.
Orre krirrieh tjuerieh dåarjoem sïjse seedtedh
Dah krirrieh mah dennie mandaateboelhkesne eah mandaath Saemiedigkesne utnieh leah orre krirrieh.
Orre krirrieh edtjieh dejtie sïjse seedtedh.
- Protokollem krirreste mij vuesehte krirrien nommem
- Kopijem protokolleste mij vuesehte krirrien njoelkedassh jïh ståvroem nænnoestamme
- Vihtiestamme dåarjoem unnemes 50 almetjistie
Dah tjaalegh edtjieh Veeljemereeremasse båateme seejnemes njoktjen 15.b. 2021.
Bïevnesh vihtiestamme dåarjoen bïjre
Orre krirrieh tjuerieh vihtiestamme dåarjoem sïjse buektedh unnemes 50 almetjistie. Dåarjoe edtja sïjse buektedh goeresne gusnie dah almetjh leah dej nommh tjaaleme.
Goere Gusnie nommh tjaelieh (sveerjengïelesne) (pdf, 72 kB)
- Dah almetjh edtjieh meatan båetije veeljemen 2021 minngemes tjaatsestimmielåhkosne
- Dah almetjh gïeh bæjhkoehtimmiem dåarjoeh edtjieh jïjtje dej nommem jïh persovnenummerem goerese tjaeledh.
- Goere gusnie nommh tjaelieh.
Veeljemereereme njoktjen 1.b. 2021 mænngan nænnoste
Veeljemereereme nænnoste tjaalasovvemen bïjre bæjhkoehtimmeste mænngan minngemes tjaatsestimmielåhkoem lea vihtiestamme. Minngemes tjaatsestimmielåhkoe vihteste seejnemes njoktjen 1.b. 2021.
Kandidaath jïh veeljemesïetelh
Krirrieh maehtieh kandidaath bæjhkoehtidh aktese jallh gellie læstojde. Gaajhkh kandidaath tjuerieh tjaaleldh luhpiem vedtedh guktie krirrie maahta dejtie bæjhkoehtidh. Læstoeh veeljemesïetelidie trygkieh jïh dejtie gaajhkide seedtieh gïeh åadtjoeh veeljemisnie tjaatsestidh.
Saemiedigkien veeljemisnie eah gååvnesh gåaroes veeljemesïetelh vuj veeljemesïetelh ajve krirrien nommine. Gååvnese ajve veeljemesïetelh dovne krirrien nommine jïh kandidaati nommigujmie.
Dïhte dan gaavhtan gaajhkh krirrieh jïh kandidaath tjuerieh åvtelhbodti tjaalasovvedh jis edtjieh åadtjodh veeljemisnie meatan årrodh.
Kandidaath jïh læstoeh
Krirrie maahta kandidaath bæjhkoehtidh aktese jallh gellie læstojde. Læstoe lea kandidaath tjaaleme sjïere öörnegisnie. Unnemes golme kandidaath tjuara bæjhkoehtidh.
Krirrie kandidaatide tjaala goeren læssan mah krirrieh seejnemes njoktjen 15.b. sïjse buakta guktie veeljemasse bæjhkohte. Kandidaati nommh edtja öörnegisnie tjaeledh guktie edtja veeljemesïetelisnie årrodh.
Veeljemesïetele-staeriedimmiem dåhkasjehtedh
Veeljemereereme veeljemesïetele-staeriedimmiem sjugnede mij mejline seedtie almetjasse gie dïedtem åtna dam staeriedidh. Åenehks tïjjen gaavhtan tjuara krirrien dïedtele almetje dallegh vaestiedidh jis sæjhta maam akt staeriedidh.
Mænngan staeriedimmiedïedtele almetje lea staeriedimmie dåhkasjahteme maahta veeljemesïetelem trygkesovvedh.
Veeljemesïetelidie trygkedh
Veeljemesïetelidie veelkes paehpierasse trygkesåvva jïh stuaradahkem A6 utnieh. Veeljemesïetelidie krirrien nommem jïh bæjhkoehtamme kandidaati nommide trygkesåvva.
Veeljemesïetelisnie jeenjemes sijjie 72 kandidaatide åvtebielesne jïh nubpiebielesne, jis fïerhten kandidaaten nommem sjeahta akte sïevesne veeljemesïetelisnie.
Bïevnesh kandidaaten bïjre åadtjoeh årrodh jeenjemes göökte sïevine veeljemesïetelisnie.
Veeljemesïetelidie distribueeredidh
Dah krirrieh mah bæjhkoehtamme dam jïh dan kandidaath tïjjemierien sisnie åadtjoeh dej veeljemesïetelidie trygkesovveme jïh distribueeredamme Veeljemereeremistie.
Jis krirrie gellie læstoeh åtna dellie seamma jïjnje fïerhten læstoste trygkesåvva.
Akte veeljemesïetele tjaatsestimmiekåarhtine seedtie gaajhkide gïeh minngemes tjaatsestimmielåhkosne. Veeljemesïetelh aaj gååvnesieh veeljijidie gaajhkene veeljemesavkine.
Lissine krirrieh åadtjoeh 1000 veeljemesïetelh (fïerhte læstojste jis gellie læstoeh utnieh) mah jïjtje maehtieh distribueeredidh.
Jienebh veeljemesïeteli maaksoe
Jis krirrie sæjhta vielie veeljemesïetelh dængkodh enn dah mah krirrie namhtah åadtjoeh, dellie maaksa 50 kråvnah 1000 veeljemesïeteli åvteste. Dah tjuerieh dejtie maeksedh åvteli njoktjen 15.b. 2021. Gaskesadth Veeljemereeremem jïh åadtjoeh vielie bïevnesh maeksemen bïjre.
Dængkomem seamma goeresne darjoeh goh krirrie veeljemasse dam bæjhkohte.
Bïevnesh dutnjien gie kandidaate
Guktie maahta veeljedh veeljemisnie Saemiedægkan tjoerh:
- Tjaatsestimmiereaktam åtnah veeljemisnie Saemiedægkan,
- Sveerjen årroje årrodh, jallh datne årroje mubpie laantesne, leah tjaalasovveme Sveerjesne golme jaepine, jïh
- Goh kandidaate bæjhkoehtamme tjaalasovveme krirreste.
Kandidaatebuerkiestimmie – datne tjoerh dov luhpiem krærran vedtedh
Fïerhte bæjhkoehtamme kandidaate tjuara jïjtje nualantjaaleme buerkiestimmiegoerem krærran vedtedh.
Buerkiestimmiegoeresne kandidaate luhpiem vedtedh maahta dam bæjhkoehtidh jïh meatan årrodh krirrien veeljemesïetelisnie.
Krirrie edtja tjöönghkedh gaajhkide buerkiestimmiegoeride kandidaatijste jïh dejtie Veeljemereeremasse vedtedh, ektesne krirrien bæjhkoehtimmiem jïh kandidaatide.
Buerkiestimmiegoeride jïh bæjhkoehtimmiem edtja Veeljemereeremasse seedtedh åvteli njoktjen 15.b. 2021.
Persovnetjaatsestimmie – gie sjædta veeljeme?
Kandidaate tjuara unnemes vïjhte prosenth krirrien tjaatsestimmijste jis maahta persovnetjaatsestimmiej gaavhtan veeljeme sjïdtedh. Lissine kandidaate daarpesje unnemes 25 persovnetjaatsestimmide åadtjodh.
Dïhte lea Leeneståvroe Norrbottenen leenesne mij dïedtem åtna tjaatsestimmide ryöknedh, mandaath juekedh jïh lïhtsegh jïh sæjjasadtjh nommehtehtedh veeljemisnie Saemiedægkan.
Vielie bïevnesh tjaatsestimmieryökneme jïh veeljemeilleldahke
Krirrieh åadtjoeh bïevnesh tjaatsestimmielåhkoste
Gaajhkh krirrieh mah veeljemasse tjaalasovveme åadtjoeh aktanimmiem sjïere bïevnesijstie minngemes tjaatsestimmielåhkoste, dej almetji nommem, adressem jïh reakasovvemetïjjem gïeh tjaatsestimmiereaktam utnieh.
Daate njoelkedassi mietie njoelkedasse (2002:62) boelhki bïjre databaasijste veeljeminie jïh åålmetjaatsestimmine
.
Saemiedigkien kanslije aktanimmiem deellie USB-mojhtesisnie gaajhkide krirride mænngan Veeljemereereme lea nænnoestamme gaajhki tjaalasovvemi bïjre krirriej bïjre njoktjen 15.b. mænngan.
Aktanimmie åådtje akten aejkien deelledh fïerhte krærran. USB-mojhtesisnie gååvnesieh golme fijlh almetji bïevnesi bïjre minngemes tjaatsestimmielåhkosne;
- akte excel-fïjle gusnie nomme, adresse jïh reakasovvemetïjje tjåadtjoeh,
- akte skv-fïjle gusnie nomme, adresse jïh reakasovvemetïjje tjåadtjoeh,
- akte pdf-fïjle gusnie nomme jïh adresse tjåadtjoeh hammosne mij sjeahta tjaeledh adresseleahpide (3x8 almetjh fïerhtene A4:sne).