Te alosares
Kurke 11 september 2022 si o alosaripe khaj o riksdag, komun- thaj regionfullmäktige.
Kon šaj te alosarel?
Te avel tut alosarimasko čačipe musaj te aves maj tsera 18 berš po alosarimasko džes. Informatsia ande folkbokföringsregistra 30 džes angla alosarimasko džes porončij te si tut alosarimasko čačipe thaj khaj savi alosarimaski distrikta san.
Tut si alosarimasko čačipe khaj o riksdagen te san:
- šveditsko sitizento thaj san vaj sanas registrovano ando Švedo.
Tut si alosarimasko čačipe khaj komun- thaj regionfullmäktige te san:
- šveditsko sitizento thaj skirime ando Švedo
- sitizento ande varisavo them ande Europake uniake membronge thema vaj sitizento ande Islando vaj Norvego thaj san skirime ando Švedo
- san sitizento ande varisavo kaver them thaj sanas skirime ando Švedo trin berš telajokfareste angla alosarimasko džes.
Tut khaj si alosarimasko čačipe les jekh alosarimaski lil
Tut khaj si alosarimasko čačipe les jekh alosarimasko lil a počtasa karing trin kurke angla alosaripe. Pe alosarimasko lil skrij pe, pe save alosarimata tut si čačipe te alos thaj čiro anav, adresi thaj save vrami phuterdij čiri alosarmiaski sala. Te si kade ke naj tut čiro alosarimasko lil biris te manges jekh nevo khatar e komuna vaj Valmyndigheten.
Alosarimaske paperoši
Alosarimaske paperoši si galbeni khaj o alosaripe khaj o riksdagen, parne khaj o alosaripe khaj o kommunfullmäktige thaj vuneti khaj o regionfullmäktige. Alosarimaske paperoša si pe sa thana khaj biris te alos.
Te alos pe jekh partia
Tu alos anglunimastar pe jekh partia. Partiako anav skrij pe po alosarimasko paperoši, Te si kade ke či arakhes čira partiako paperoši biris te skris korkori o nanav pe jekh užo paperoši.
Te alos pe jekh manuš
Te si kade ke kames varikon spesialno anda e partia te avel alome, biris te šos jekh trušul angla kandidatosko anav pe anavesko paperoši. Biris feri te šos trušul pe jekh kandidato. Biris vi te alos pe jekh manuš te skris a partiako anav thaj kandidatosko anav pe jekh užo paperoši.
Kate šaj te alosares
Alosar ande čiri alosarimaski sala po alosarimasko džes 11 september
Tu biris feri te alosares ande kodi alosarimaski sala khaj si skirime pe čiro alosarimasko lil. Alosarimaski sala si feri phuterdo pe alosarmiasko džes. Kana alosares ande čiri alosarimaski sala avesa vi arakhlo ande alosarmiaski lista (röstlängden) thaj čire glasura si tele šute ande alosarmiaske boksi.
Angla vramako alosaripe ande alosarimaske sali vaj ande jekh kaver komuni
Biris te alosares angla o alosaripe ande savi alosarimaski sala tu korkori kames ande intrego them. Angla alosarimasko alosaripe lel pe 24 augusti thaj inkrel pe ži khaj o alosarimasko džes. Musaj te anes tusa čiro alosarimasko lil kana alos angla alosaripe. Informatsia khaj alosares angla alosaripe arakhes ande čiri komuna vaj po val.se.
Alosar anda jekh kaver them
Te san ande jekh kaver them biris te alosares počtasa vaj te keres angla alosaripe ande e but šveditska ambasadi thaj konsulatura. Te si te alosares pa počta musaj te xasnis jekh spesialno materialo khaj manges khatar Valmyndigheten, komuna, ambasada vaj konsulato. Kodo glaso šaj te avel mukhlo anda kaver thema maj sigo data 28 juli. Biris te keres angla alosaripe pe ambasadi vaj konsulatura maj sigo 18 augusti.
Musaj te sikaves ke tu san tu
Te avel tuke slobodo te alosares musaj te sikaves čiro identiteto thaj kodo keres kana sikaves jekh identifikatsiako lil. Naj tu id-lil šaj varikon kaver te phenel ke tu san tu, feri atunči musaj kodo manuš te sikavel pesko id-lil.
Te trobuj tut žutipe te alosares
Alosar žutoresa
Tu biris te alosares žutimasa kaverestar te i kade ke san nasvalo, si tut funktsiako teljaripe vaj san phuro thaj či biris te džas korkori te alosares ande čiri alosarimaski sala vaj jekh vaj jekh kaver sala te keres angla alosaripe. Biris vi te alosares žutimasa te si kade ke san astardo thaj bešes ande temlitsa.
Kodo glaso šaj te mukhels maj sigo data 18 augusti thaj maj paluno džes po alosarimasko džes. Tut trobuj jekh žutori thaj jekh šviatko. Sel duj si te aven maj tsera 18 berš thaj naštik te avel kodo jekh manuš vi žutori thaj šviatko.
Tut trobuj jekh žutori – kon šaj avel žutori?
O žutori musaj te avel maj tsera 18 beršengo. Kadal manuš šaj aven žutora:
- čiro njamo
- kodo kon lel sama pala tutet haj žutij tut čire personalne bučansa
- kodol khaj keren buči po panglipe thaj temlitsa
- jekh gavutno počtari (lantbrevbärare), te trajis kote khaj si jekh kasavi linja.
Te alosares žutoresa trobuj tut spesialno materialo khaj manges khatar e komuna vaj Valmyndigheten. Te alos angla alosaripe musaj atunči te xasnis alosarimasko lil.
Ambulovano alosarimasko than
Ambulovano alosarimasko than si tuke khaj san nasvalo, phuro vaj inkres funktsiako teljaripe thaj či biris korkori te keres angla alosaripe vaj te alosares ande alosarimaski sala. Kana si ambulovano alosarimasko than kerel e komuna kade ke aven duj manuš khaj keren kadalesa buči thaj len čiro glaso kheral. Le kontakto a komunasa pa maj but informatsia.