Till startsidan

Politikaano ringosko merkniako registeerimos

Politikaano ringosko merknos hin douva nau so ringos kammela te dissuves aro lengo velkibosko flaagos/peleĥĥos.

Politikaano ringos na hyövyla tšeeres registraatia sikide jakkes te joon lenas len dieliba aro velkibi. Praal politikaano ringosko merknos/nau leen hin vojime te lel penge panna ringosko symbolos. Ringos hin vojime te tšeeres pengo dielesko liinibosko pĥukiba aro velkiba ta biĥaves penge velkibosko flaagi/peleĥĥi uutan te leen hin registeerime ringosko merknos.

Dženom douva te ringosko merknos hin aulo registeerime aro Velkibosko Tšenstakiire hin ringos vojime te siilaves lengo nau jakkes te vaure ringi naa butide horttiba te len lengo nau elle merknos.

Te len ringoske Velkibosko Tšenstakiirenna merknosko siila hyövyla dauva ringosko formibosko biĥimos aaves jelpime džaanime gruppiatta velkibongiire. Merknos naa vojula aaĥĥes aja naal vauro politikaano ringosko merknos elle nau, te daala dui merkni voipula lokkes paruves. Kviiliba hin nii te ringosko formibosko botnosko liine hin aune uunime ta doori hin naujime fallibiako gruppos.

Biĥimos te aaves registreerime ringos hin hyövime aaves arre aro Velkibosko Tšenstakiire sistones aro Miritsjako tšoonesko ennos douva berĥ savo,velkibi aavena stellide, jakkes te registeerimos hin aro džoor.

Ke ringosko merkniba hin aulo registreerime aro themmuno Parlamentosko velkibake, douva hin aro džoor nii aro thaanavitika- ta themmeskorigfallibiako naalunengo velkibi aro hilo them ta panna aro Europako Parlementosko velkiba. Ringosko merknosko registeerimos hin aro džoor aro themmeskorigfallibiako naalunengo velkiba, themmeskorigfallibiako velkiba ta thaanavitika naalunengo velkiba aro dola thaane so beĥĥena aro themmeskorigfalliba. Bi registreerimos, so hin tšerto endo Europako Parlementosko velkiba hin aro džoor ta tšalila bi endo douva velkiba.