Till startsidan

Publicerad: 30 augusti 2018

Lyijengo drabiba/džinniba dženom velkibosko rat

Paale douva, te lyijengo prissi liinibongiire kajo velkibosko diives agurela lengo butti, joon byryvena lyijengo drabiba aro lengo velkiboskosko distrikos.

Naal dauva drabiba/džinniba, joon hyövyna tšuuves saare tšihkas uunime naalune diino lyiji teele aro velkibosko moĥto.

Paale douva velkibosko moĥte aavena tšutsime ta velkibosko drabiba byryla. Lyiji aavela drabime ta froojime dženom politikaano ringosko nau. Aro themmuno, thaanesko- ta themmeskorigakofallibosko naalunengo velkibi aavela themmuno Parlamentosko velkiba alti vaagunes drabime, paale douva thaanavitika naalune- ta sistones themmeskorigakofallibosko naalunengo velkiba.

Kaana velkibosko distrikos aro velkibosko diives hin drabitas saare lyiji, lyijengo prissi diinibongiire aanela dauva resultatos raporttosko prissi liinibongiirenge, koon tšuuvena douva aro Velkibosko Tšenstakiirengo džaanibosko moĥto/datasystemosko registeria. Dauva dela Velkibosko Tšenstakiirenge vojiba hastes, naal velkibosko kvella, te drabaves fram naaluno velkibosko resultatos.

Itĥtiijaha sar daala resultate aro velkibosko distrikiatta aavena registreerime arre doola hin tšerto sikime medienge ta saarune komujenge aro Velkibosko Tšenstakiirengo web-stedos (internettos).

Kaana hilo lyijengo drabiba hin tšerto aavena lyijengo flaagi tšunto aro froolaagimes siilano goonos so aavela sineetime ta diino Velkibosko skokkake. Velkibosko skokka tilsvaarila dotta, te lyiji hin aanime velkibosko stedenna aja hastes sar hin vojime aro themmeskorigakofalliba.