Alosaripe/Elekcia

Kurkes, po dives 11-to Septembra 2022, si o alosaripe ando Riksdag, municipalno thaj regionalno konsilo.

Kon shaj alosarel?

Te zhanes te alosares, maj phuro/i si te aves sar 18 bersha pe alosaripesko/elekciako dives. E informacia ande manushengo registero 30 divesenca maj anglal e elekcia phenel ke varikon si hakaj vaj naj te alosarel thaj pe savo elekciako than si te zhal.

Si tut hakaj te alosares ando Riksdag te:

  • Kon ando Shvedo sar “citizen” zhuvel vaj registracia si les/la ando Shvedo

Si tut hakaj te alosares ando municipalno thaj regionalno konsilo ando Shvedo:

  • Kon ando Shvedo sar “citizen” zhuvel thaj registracia si les/la ando Shvedo
  • sar “citizen” zhuvel ande Europaki Unia vaj ande Islanda vaj Norvegia thaj registracia si les/la ando Shvedo
  • sar “citizen” zhuvel ande jekh kaver them thaj registracia si les/la ando Shvedo trine bershenca maj anglal e elekcia

Si tut hakaj te alosares thaj te xutres/reses jekh alosaripeski karta

Kas hakaj si te alosaren, xutrena jekh alosaripeski karta pe poshta trine kurkenca maj anglal e elekcia. Pe alosaripeski karta shaj dikhes kaj si tut hakaj te alosares thaj o anav, adreso thaj putrimaske chasura le thanesko kaj shaj alosaren. Te naj tut alosaripeski karta, shaj manges jekh njevi kathar e Elekciaki Authoriteta.

Alosaripesko lil

Le alosaripeske lila galbene si pala e elekcia ando Riksdag, parne pala municipalno konsilo thaj vuneti pala regionalno konsilo. Alosaripeske lila shaj resen pe thana kaj alosaren.

Alosar politikalno grupa

Maj anglal pe jekh politikalno grupa shaj keres tjiri elekcia. O anav le politikalne grupake pe alosaripesko lil si. Te na rakhes tjire politikalne grupako anav, shaj iskiris/pishines o anav po shusho lil.

Alosar manushes

Te manges te alosares jekh manushes ande jekh politikalno grupa, shaj keres jekh trushul pasha le manushesko anav po lil. Numa/feri jekh anav shaj alosares. Shaj alosares jekh manushes te iskiris e grupa thaj o anav po shusho lil.

Kathe shaj alosares

Alosar pe tjiro alosaripesko than po alosaripesko dives, 11-to Septembra

Numa/feri pet jo alosaripesko than shaj alosares pe alosaripesko lil. O alosaripesko than numa/feri pe alosaripesko dives si puterdo. Kana alosares pe tjiro than, tjiro anav iskirinas/pishinas pe lishta thaj tjo alosaripe ando kristar/moxton shuvas.

Alosaripe maj anglal pe alosaripesko than ande tjiro vaj kaver municipaliteta

Shaj alosares maj anglal pe sa le alosaripeske thana ando them. O alosaripe po 24-to Avgusto lel pes zhi ko elekciako dives. Si te anes tjire alosaripeski karta, te kames maj anglal te alosares. Informacia kaj zhanes te alosares maj anglal, shaj rakhes pe municipaliteta vaj po val.se.

Alosar anda kaver them

Te ando kaver them san, shaj alosares po mail vaj maj anglal pe Shvedikane Embasii thaj Konsulati. Te zhanes te alosares po mail, si te labjares jekh specialno materiali, so si te manges kathar e Elekciaki Authoriteta, municipaliteta, embasii vaj konsulati. O alosaripe anda kavera thema si te bicharen na maj anglal sar 28-to Juli. Shaj alosaren pe embasii thaj konsulati na maj anglal sar 18-to Avgusto.

Si te sikaves tji identiteta

Te zhanes te alosares, si te sikaves tjo identitetako dokumento. Te naj tut identitetako dokumento, jekh kaver manush shaj chacharel tji identiteta, ba/ama kodo manush si te sikavel pesko identitetako dokumento.

Te manges zhutipe kana alosares

Alosar messengeresa

Shaj alosares messengeresa te nasvalo/i san, vaj vash tje bersha na zhanes te zhas pe alosaripesko than. Shaj alosares messengeresa te ande robia san. O alosaripe na maj anglal avela sar o 18-to Avgusto zhi ko alosaripesko dives. Si te avel tut messenger thaj jekh chachari. Sol duj maj phure si te aven sar 18 bersha thaj duj diferentne manusha si te avel o messenger thaj o chachari.

Te manges messengeri-kon shaj avel messenger?

O messengeri maj phuro/i si te avel sar 18 bersha. Le messengera si te aven:

  • ande tji familia
  • jekh manush kon butivar zhutil tut personalne butjenca
  • butjara ande robia
  • poshtako butjari te pashal zhuves ke poshtaki linia

Te alosares messengeresa si te avel tut jekh specialno materiali so shaj manges kathar e municipaliteta vaj e Elekciaki Authoriteta. Te maj anglal manges te alosares si te avel tut alosaripeski karta.

Ambulatorikano alosaripesko than

Ambulatorikano alosaripesko than kodolenge si kon nasvale si thaj na zhanen te alosaren maj anglal vaj pe alosaripeske thana. Pe mobilne alosaripeske thana e municipaliteta lel sama thaj duj manushen bicharena ke tjo kher te len o alosaripe. Ker kontakto e municipalitetasa vash maj but informacii.

Other languages