Alosarimaske zakonura

Valmyndigheternas buča haj alosarimasko nakhajipe si reglovano anda alosarimasko zakono thaj alosarimaski regulatsia.

Regulatsia pe alosarimaske thana

E ginajitorengi responsebilita si te len sama te nakhel o alosaripe sar khaj trobuj thaj ke si pača ande alosarimasko lokalo thaj maškar e alosarimaske lila. Parti naštik te keren propaganda khaj e alosara si te den pe gata kusa penge glasura.

Te si kade ke ačares ke o alosaripe či džal sar khaj trobuj, trobuj anglunimastar te phenen kado khaj e ginajitora. Šaj vi te len kontakto kusa komunako alosarimaski borda.

Ker apelatsia pe alosarimasko resultato

Te si kade ke ačares ke variso si čoro vaj kerdo bi došako thaj kado parudas o

alosarimasko resultato biris te kerel apelatsia po resultato. E apelatsia si te avel bišadi khaj Alosarimski prubaki borda (Valprövningsnämnden) maj sigo o džes pala o alosarimasko džes thaj maj palunes deš džes pala kod oke alosarimasko resultato sas mukhlo.

Alosarimasko prubaki borda Länk till annan webbplats.

Uni buča šaj aven kriminalne

Kriminalne buča si te aven opre dine khaj e politsia te kerdas varikhon sar eksemplo:

• ke das vaj las variso te del pesko glaso vaj te na džan te alosaren
• tke varikhon džanel avri sar varikhon alosardas vaj
• zumavel te kerel variso te ašaven o alosaripe vaj te zumavel te paruvel o resultato.