Till startsidan

Registriribe e partijakoro nišani

E partijakoro nišani i o anav so i partija mangela te terdžol ko biribaskere listija.

Jek partija nane mora te registririnel plo partijakoro nišani kaj te šaj te lel than ko biribe. Jekhe partijakoro nišani šaj te ovel hem jek simboli. I partija šaj te prijavinel pes hem te poručinel biribaskere listija bizo te ovel ola jek registririmo partijakoro nišani.

Keda registririnela pe e partijakoro nišani ko Valmyndigheten (Birinbaskoro vlasti) tegani šaj e partijakoro anav te ovel arakhlo (zaštitimo) kaj te na koristinel pe tari javer partija.

Kaj te šaj o Valmyndigheten te registririnel e partijakoro nišani tegani i prijava mora te ovel podržimi tari jek suma biračija. O nišani na tromalate ovel paše jekhe javere registririme partijakere nišaneja kaj te na heminen pes. Tari partija rodela pe te sikavel kaj isi status kerdo hem kaj isi jek ingaribaskiri grupa.

I prijavva bašo registriribe partijakoro nišani trebela te avel ko Valmyndigheten najkasno ko krajo taro februari ko biribaskoro berš kaj te šaj te važinel o registriribe ko isto berš.

Okova partijakoro nišni so registririnela pe bašo biribe ko parlamenti, o registriribe važinela baši komunada hem bašo landstinget ki sa i phuv hem bašo biribe ko Evropikano parlamenti. Te registririndža pe jek partijakoro nišani bašo biribe ko landstingsfullmäktige tegani odova važinela bašo landstinget hem komuna ko sa o kumune ko odova landsting. Jek registriribe bašo biribe ko Evropikano parlamenti tegani odova važinela samo bašo biribe ko Evropikano parlamenti.