Till startsidan

Publicerad: 23 augusti 2018

Genjibe o glasija ki biribaskiri rat

Palo e glasengoro khedibaskoro završiba ko biribaskoro dive, tegani e glasengere lejdžie ko respektivno biribaskoro distrikti genjena o glasija so khedindže.

Angleder te genjen pe o glasija čhivena pe hem o priznajme glasiba so kerdže pe angleder ko respektivno sanduko.

Palo odova čučarena pe o sandukija hem genjena pe o respektivno biriba. O glasija genjena pe hem sortirinena pe pali partija. Bašo parlamenteskoro , komunakoro hem landstingeskoro biriba, prvo genjela pe e parlamenteskoro biribe palo odova e komunakoro hem palune genjela pe e landstingeskoro biribe.

Ked jek biribaskoro distrikti genjela o glasija ki biribaskiri rat, tegani okružinena pe o rezultatija ko raportiribaskoro primači kova so registririnela o rezultatija ko Biribaskoro vlastengoro biribaskoro sistemi. Adžahar šaj o Biribaskoro vlasti panda ki biribaskiri rat te računinel jek preliminerno biribaskoro rezultati.

Istovremeno keda o rezultati bašo biribaskoro distrikti registririnela pe kerela pe direktno pristupno ko Biribaskoro vlastengoro webbthan baši media hem društvo.

Keda o genjibe i gotovo tegani čhivena pe o biribaskere listija andre ko specijalna sigurna kese kola so ovena štembilime hem ovena mukhle ki biribaskiri komisija. E biribaskiri komisija odgovorinela te šaj o glasija taro biribaskere lokalija te oven ingarde so posigate so šaj ko länstyrelsen.