Till startsidan

Biribaskere listengoro procenibe

Samo okola glasija so važinena ola lena pe ko mandadtengoro ulavibe.

O Länstyrelsen proceninela palo biribaskoro zakoni kola biribaskere listija i so važinena a kola na važinena hem računinela o glasija baši sakoja partija. Isto kontrola kerela pe bašo glasibe upro dženo hem računinena pe o glasija upro dženo so važinena.

Biribaskere listija so važinena

Jek biribaskoro listo važinela te isi ole e partijakoro nišani tari okoja partija so prijavindža pes kaj lela than ko biribe. Odova šaj te ovel jek pečatirimo anavencar biribaskiri listo, partijakoro biribaskoro listo ja pale jek čučo biribaskoro listo kori so o birači čhivela e partijakoro anav.

O glasibe upro dženo računinela pe

Jek točno glasibe upro dženo šaj te ovel čhijbe jek krsto anglo biribaskoro listo anavea ja pale te pišinel pe o anav ki jek biribaskoro listo baši jek partija so na prijavindža ple kandidaten. Ko biribaskoro listo terdžola sar šaj o birači te glasinel upro dženo.

Biribaskere listija so na važinena

Jek biribaskiri lista na važinela oj te:

  • Nane ola partijakoro nišani,
  • Te isi ola buteder partijakere nišanija (ko primer te isi duj ja buteder biribaskere listija ko isto kuferti hem te isi olen razna partijakere nišanija, ja pale
  • Te isi jek partijakoro nišani baši jek partija so na prijavindža kaj ka lel than ko biribe ja pale,
  • Dikhela pe kaj kerdža odova namerno.

O biribaskere listia so nane olen partijakoro nišani vakerela pe olenge čuče/blanka hem ola i jek obično tipi glasija so na važinena. Odola čuče glasija računinena pe posebno taro javera glasija so na važinena. O biribaskere listija so na važinena na lena pe ko mandatengoro ulavibe.

Nisave kandidatengoro anav na računinela pe

Ko disave slučaja o länstyrelsen na ka računinel e kandidatengoro anav ko biribaskoro listo ko primer:

  • O birači te čiča krsto duje ja pale buteder kandidatenge,
  • Te isi buteder biribaskere listija ko isto kuferti isto partijakere nišaneja ama javere kandidatengere anavencar, ja pale čhijbe krsto upro razna kandidatija,
  • Keda koristinela pe jekhe partijake jek biribaskoro listo soj kerdo bašo javer biriba, parlamenti/komuna ja pale landsting.