Till startsidan

Publicerad: 23 augusti 2018

Mandati

Kaj te šaj e biribaskoro rezultati te ovel so šaj buteder proporcionalno keda birinela pe bašo parlamenti, okrug (landsting) hem bašo komuna, isi diso so vakerela pe jekanibaskoro mandati.

Angleder sa ulavena pe o zorale mandatija a palo odova o jekanibaskere mandatija. Jek partija so na dendža pe lake zoralo mandati šaj dela pe lake jek jekanibaskoro mandati. Ko Evropaikano parlamenteskoro biribe isi samo zorale mandatija.

Najkasno ko 30 april ko biribaskoro berš e Biribaskoro vlasti trebela te odlučinel kobor zorale mandatija ka ovel sakone parlamentarikane biribaskere krugo. O ulavibe bazirinela pe ko odova kobor manuša i so isi olen glasibaskoro pravo ko biribaskere krugija.

Keda i ko pučibe o biribe ki komuna hem landsting (okrug) tegani o respektivno landstingeskoro šeralo godidejbe (landstingsfullmäktige) odlučinela kobor mandatija ka čhiven pe. O Länstyrelsen odlučinela najkasno ko 30 april ko biribaskoro berš kobor zoral mandatija ka ovel sakone biribaskere krugo.

Keda i ko pučibe o biribe bašo Evropikano parlamenti tegani sa i Švedija i je biribaskoro krugo. Kobor mandatija ka del pe sakone dženi phuvjake umlala taro odova kobor manuša isi ki jek phuv. Ko Evropakoro parlamenti e Švedija isi 20 mandatija.